Túrkistanda bir jastaǵy sábı taýyqtyń súıegin jutyp qoıdy

<p>TÚRKІSTAN. KAZINFORM - Oblystyq balalar aýrýhanasynyń dáriger-endoskopısty Babýrjan Rahmanqulov 1 jas 3 aılyq búldirshinniń ómirin saqtap qaldy. Dáriger sábıdiń tynys alý jolyna turyp qalǵan taýyqtyń súıegin alyp tastady.</p>

Anasynyń aıtýynsha, bala keshki saǵat 22:00 shamasynda polıetılen paketimen oınap otyryp, tunshyǵa bastaǵan. Jótelden keıin ókpesinde syryldar paıda bolyp, demala almaı qalypty.

Jaǵdaıynyń nasharlaýyna baılanysty «Maqtaaral» ortalyq aýrýhanasyna júgingen. Aýyr haldegi sábı birden jansaqtaý bólimine jatqyzyldy. Sanıtarlyq avıatsııa jelisi arqyly oblystyq balalar aýrýhanasynyń balalar torakaldy hırýrgy men reanımatology aýrýhanaǵa jiberildi. Shuǵyl túrde zertteý ótkizilip, bronhoskopııa arqyly sol jaq negizgi bronhtan taýyqtyń súıegi alyndy. Nátıjesinde qaýip seıilip, balanyń densaýlyǵy qalypty jaǵdaıǵa tústi.

Aıta keteıik, buǵan deıin shymkenttik dárigerler salmaǵy 980 gr bolyp týǵan sábıdi aman alyp qalǵan bolatyn. Dárigerler onyń ómiri úshin 28 kún kúresken.