Túrkistan jáne Jambyl oblystarynyń avtojoldarynda avarııalyq-qutqarý jumystary aıaqtaldy

<p>Óńirlerde qar qursaýynda qalǵan avtokólikterden 5000-nan astam adam qutqaryldy jáne evakýatsııalandy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Tótenshe jaǵdaılar mınıstrligi baspasóz qyzmetiniń málimetinshe, Jambyl oblysynda avarııalyq-qutqarý jumystaryn júrgizýge TJM, ІІM, Qorǵanys mınıstrliginen, Qazavtojol, jergilikti atqarýshy organdardan 450-den astam adam jáne 230 birlik tehnıka jumyldyryldy. Sonymen qatar ózara is-qımyl sheńberinde kómek kórsetý úshin kelgen Qyrǵyzstan TJM-niń 42 qutqarýshysy men 8 birlik tehnıkasy tartyldy.

Túrkistan oblysyndaǵy avarııalyq-qutqarý jáne shuǵyl jumystarǵa TJM bólimshelerinen, jol qyzmetterinen, polıtsııadan jáne jergilikti atqarýshy organdardan 450-ge jýyq adam men 140 birlik tehnıka jumyldyryldy.

Sonymen qatar Jetisý oblysynyń joldarynda 70-ten astam adam qutqaryldy.

Qazirgi ýaqytta Jambyl, Túrkistan , Abaı jáne Jetisý oblystaryndaǵy respýblıkalyq mańyzy bar avtojoldardyń 5 ýchaskesinde jáne oblystyq mańyzy bar avtojoldardyń 4 ýchaskesinde avtokóliktiń barlyq túrleri úshin qozǵalys jabyq.

Respýblıkalyq jáne óńirlik deńgeıdegi jedel shtabtardyń jumysy jaǵdaı tolyq turaqtalǵanǵa deıin jalǵasatyn bolady.