Túrkistan oblysynyń 67 myńnan astam turǵyny «Taza Qazaqstan» aktsııasyna qatysty

<p>TÚRKІSTAN. KAZINFORM&nbsp;&mdash; Prezıdenttiń bastamasymen qorshaǵan ortany qorǵaý jáne ekologııalyq mádenıetti qalyptastyrý maqsatynda elimiz boıynsha &laquo;Taza Qazaqstan&raquo; aktsııasy bastalǵan bolatyn. Túrkistan oblysynda ekoaktsııa aıasynda 6 sáýir men 11 mamyr aralyǵynda jalpyhalyqtyq tazalyq sharalary júrgizildi.&nbsp;</p>

«Taza ólke», «Kıeli meken», «Jasyl aımaq», «Ónegeli urpaq», «Móldir bulaq» aptalyqtarynda 1 408 aýqymdy is-shara ótip, oǵan 67 myńnan astam adam qatysty. 

Foto: Túrkistan oblysynyń ákimdigi

Budan bólek, oblys aýmaǵynda 150 myń túp aǵash otyrǵyzylyp, 175 myńǵa jýyq aǵash ákteldi. Sondaı-aq 40 024 sharshy metr aıaqjoldar tazalanyp, 346 saıabaq jáne skverler retke keltirildi. Sonymen qatar 302 myńnan astam jeke úılerdiń jáne 1 767 áleýmettik nysandardyń aýlasy tazalanyp, barlyq aýdan-qaladaǵy sý, ózen boılarynda senbilikter ótti. 

Foto: Túrkistan oblysynyń Óńirlik kommýnıkatsııalar qyzmeti

Búgin ekoaktsııa Qazyǵurt aýdany Saraphana aýyl okrýginde ornalasqan «Máńgilik el» saıabaǵynda jalǵasty. Aýdan ákimdiginiń uıymdastyrýymen ótken sharaǵa memlekettik jáne qoǵamdyq qyzmetshiler, aýdannyń belsendi jastary, eriktiler men aýyl turǵyndary qatysyp, arnaıy tehnıkalar jumyldyryldy. Tazalyq aktsııasy barysynda qatysýshylar tarapynan 10 gektar saıabaq aýmaǵy qoqystardan tazartylyp, shóp orý, aǵashtardy butaý jumystary júrgizildi. Aýyl aqsaqaldary Prezıdenttiń bastamasymen atqarylyp jatqan barsha tazalyq jumysyna oń baǵalaryn berip, aýyl turǵyndary atynan alǵys aıtty.