Túrkistan oblystyq sotynda bıznes ókilderiniń qatysýymen qaralǵan ister kóbeıgen
Basqosýǵa Túrkistan oblysy boıynsha memlekettik kirister departamentiniń jáne Básekelestikti qorǵaý jáne damytý agenttiginiń Túrkistan oblysy boıynsha departamentiniń ókilderi qatysty.
Túrkistan oblysynyń mamandandyrylǵan aýdanaralyq ákimshilik sotynyń sýdıasy Gúlmıra Mekembaı ákimshilik isterdi qaraý barysynda týyndaıtyn máseler jóninde baıandama jasap, taqyryp aıasynda keń kólemdi málimet berdi.
«Elimizde bıznes sýbektilerin qorǵaý búgingi kúni memlekettik saıasattyń basym baǵyttarynyń biri bolyp tabylady. Elimizdiń ekonomıkasyn, áleýmettik salany, mádenıetti damytýdaǵy kásipkerlerdiń eńbegi árqashan joǵary baǵalanyp keledi. Búgingi kezdesýdiń basty maqsaty – bıznes ókilderine qatysty ákimshilik isterdi qaraý barysynda týyndaıtyn máselelerdi talqylaý. Mundaı turaqty talqylaýlar týyndaıtyn syn-qaterlerge jedel den qoıýǵa, zańnama talaptary men kásipkerlerdiń qajettilikteri arasyndaǵy tepe teńdikti tabýǵa múmkindik beretin áriptestik qatynastardy nyǵaıtýǵa yqpalyn tızigedi» - dedi Gúlmıra Mekembaı.
Jalpy, Túrkistan oblysynyń mamandandyrylǵan aýdanaralyq ákimshilik sotynda bıylǵy jyldyń 9 aıynda ınvestorlar men bıznes ókilderiniń qatysýymen barlyǵy 393 talap qoıý qaralǵan. Al, 2023 jyldyń 9 aıynda ınvestorlar men bıznes ókilderiniń qatysýymen 228 ákimshilik is qaralǵan, ıaǵnı bıyl bıznes ókilderiniń qatysýymen qaralǵan ister sany 58 paıyzǵa artyp otyr. Sondaı-aq, bıylǵy jyly bıznes ókilderiniń 84 ákimshilik talap qoıýy qanaǵattandyrylǵan. 15 talap qoıý boıynsha ákimshilik is taraptardyń medıatıvtik kelisimge kelýimen aıaqtalǵan.
- «EkoShymkentProekt» JShS-i Túrkistan oblysynyń mamandandyrylǵan aýdanaralyq ákimshilik sotyna talap qoıýmen júginip, Túrkistan oblysy boıynsha ekologııa departamentiniń quqyqbuzýshylyqty joıý týraly nusqamasynyń kúshin joıýdy suraǵan. Іs materıaldaryna qaraǵanda, oblystyq ekologııa departamenti «EkoShymkentProekt» JShS-ne jospardan tys tekserý taǵaıyndap, talap qoıýshyǵa tıesli polıgonda qaýipti qaldyqtardy kómý arqyly zalalsyzdandyrý jumystary barysynda anyqtalǵan zań buzýshylyqtardy joıý týraly nusqama bergen. Іsti qaraý barysynda, departamenttiń bir nysanǵa bir tekserý kezeńinde eki ret tekserý taǵaıyndap, tekserý júrgizgen. 2023 jylǵy 3 tamyzdaǵy №60 tekserý nátıjeleri týraly aktide ekologııalyq zańnamanyń talaptary buzylǵany anyqtalmaǵany týraly qorytyndy bergen. Al, daýlanyp otyrǵan 2024 jylǵy tekserý aktisinde sol kezeńge, sol nysanaǵa tekserý júrgizip, ekologııa zańnamasynyń buzylǵany týraly qorytyndy berip, ony joıý týraly nusqama bergen. Nátıjesinde, talap qoıýshy óz quqyqtary men múddelerin qorǵaý úshin sotqa júginýge májbúr bolǵan. Sot, departament tarapynan kásipkerlik kodeksiniń 151, 155- baptarynyń talaptaryn óreskel buzǵandyǵyn jáne talap qoıýshynyń quqyqtaryn, bostandyqtary men zańdy múddelerin buzǵandyǵyn negizge alyp, buzýshylyqty joıý týraly nusqamasyn zańsyz dep tanyǵan. Nátıjesinde bıznes ókiliniń quqyqtary qorǵaldy» - dedi Gúlmıra Mekembaı.
Basqosýda básekelestikti qorǵaý jáne damytý agenttiginiń Túrkistan oblysy boıynsha departamentiniń basshysy A.Turysbaev Qazaqstan Respýblıkasynyń «Ákimshilik rásimdik-protsestik kodeksine» engizilgen birqatar ózgeris jóninde túsindirip ótti.
Dóńgelek ústelge qatysýshylar ózara pikir almasty. Árbir qatysýshy oramdy oılaryn orataǵa saldy. Taqyryp aıasynda týyndaǵan suraqtarǵa sala mamandaryn keń kólemde jaýap berdi. Sondaı-aq, usynystar tyńdalyp, kún tártibindegi másele keń kólemdi talqylandy.