Túrkistan oblysynyń Jer resýrstary departamentiniń basshysy men onyń sybaılastary sottaldy

<p>TÚRKІSTAN. KAZINFORM &ndash; Túrkistan qalalyq soty Jer resýrstaryn basqarý departamentiniń basshysy A. Myrzaevqa, onyń sybaılasy A. Baltabaevqa jáne osy departamenttiń bólim basshysy B. Jetpisovke qatysty úkimdi jarııalady.</p>

QR Sybaıles jemqorlyqqa qarys is-qımyl agenttigi baspasóz qyzmetiniń habarlaýynsha, Myrzaev pen Baltabaev alaıaqtyq pen para berýge ıtermeleý, al Jetpisov – para berýge oqtalý boıynsha kináli dep tanyldy.

Myrzaev pen onyń sybaılasy Baltabaev jer ýchaskesin resimdeý úshin kásipkerdiń 18 mln teńge kólemindegi aqshasyn ıemdengeni anyqtaldy.

Sonymen qatar Myrzaev laýazymdy tulǵalarǵa jalpy qamqorlyǵy úshin para berý syltaýymen buryn kelisilgen Jetpisovtyń 5 mln teńgesiniń 70 myń teńgesin alaıaqtyq jolymen ıemdendi.

Sot úkimimen Myrzaevqa 8 jyl, Baltabaevqa – 7 jyl jáne Jetpisovke – 3 jyl merzimge bas bostandyǵynan aıyrý jáne memlekettik qyzmette qyzmet etý quqyǵynan ómir boıyna aıyrý jazasy taǵaıyndaldy.

Úkimdi jarııa etý Túrkistan qalasynyń Jer resýrstaryn basqarý jónindegi oblystyq departamenti men Jer qatynastary bólimi ujymynyń qatysýymen ótti.

Úkim zańdy kúshine engen joq.