Túrkistan oblysynda sý tasqynynan zardap shekken aımaqtarǵa gýmanıtarlyq kómek jınalyp jatyr

<p>TÚRKІSTAN. KAZINFORM &mdash; Elimizdiń birneshe oblysyndaǵy sý tasqynyna baılanysty tabıǵı apat aımaǵyndaǵy turǵyndarǵa kómek qolyn sozamyn degen volonterlar men oblys turǵyndary úshin Túrkistan oblysy &laquo;Jastar resýrstyq ortalyǵy&raquo; ǵımaratynda arnaıy shtab quryldy.</p>

Qazirgi tańda atalǵan shtabta gýmanıtarlyq kómek jınaý isi bastalyp ketti. Sondaı-aq, oblystaǵy árbir aýdan, qalalardaǵy Jastar resrýstyq ortalyqtarynda da arnaıy shtab quryldy. Olarda gýmanıtardyq kómek jınap, sý tasqynynan zardap shekken halyqqa jiberedi.

«Kıim-keshek, balalarǵa arnalǵan jórgekter, jeke gıgıena quraldary (gıgıenalyq tósemder), gıgıenalyq zattar, azyq-túlik, turmystyq zattar qabyldanady. Gýmanıtarlyq kómek jınaý orny Túrkistan qalasy, Baıburt kóshesi № 5 meken — jaıda ornalasqan. Qabyldaý ýaqyty 09:00–19:00-ge deıin júrgiziledi. Árbir zat suryptalyp, arnaıy jáshikke salynýy tıis. Qoldanylǵan, eski zattardy berýge tyıym salynady» — delingen oblys ákimdigi taratqan aqparatta.