Túrkistan oblysynyń Túlkibas aýdanynda tótenshe jaǵdaı jarııalandy

<p>Túlkibas aýdany ákiminiń №11 sheshimimen jergilikti aýqymdaǵy tabıǵı sıpattaǵy tótenshe jaǵdaı jarııalandy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Túrkistan oblysynyń kóp bóliginde, ásirese, taýly aýdandarda qarly burqasyn bolyp jatyr.

Aýa raıynyń nasharlaýyna baılanysty qatty jel men boran saldarynan respýblıkalyq jolda 3 beket jáne oblystyq joldarda 22 beket qoıylǵan.

«Qazir oblystyq mańyzy bar avtojoldarda kólik keptelisi joq. Jolda qalǵan jolaýshylar «Toma» kafesinde, «Shaqpaq ata» meshitinde jáne «Evroskom» mekemesiniń jylytý pýnktine ornalastyrylyp, tamaqpen qamtamasyz etilip jatyr. Atalǵan kólikter men adamdar Qaraqshy asýy men Sastóbe eldi mekeni qıylysyna deıin jáne Jambyl oblysy shekarasyna deıin jol tazalanyp, ashylǵan kezde ǵana shyǵady. Túlkibas aýdany ákiminiń №11 sheshimimen jergilikti aýqymdaǵy tabıǵı sıpattaǵy TJ jarııalandy», -delingen Túrkistan oblysy TJD usynǵan aqparatta.