Túrkistan oblysynyń taýly aýdandarynda úsik júredi - Qazgıdromet

<p><a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana" target="_blank" rel="noopener">"Qazgıdromet"</a> RMK-sy qazannyń 13-i kúngi aýa raıy boljamyn jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Búgin Qazaqstanyń basym bóliginde kún qubylmaly bolady, jaýyn jaýyp, eldiń ońtústiginde, ońtústik-shyǵysynda qatty jaýyn-shashyn (jańbyr, qar) bolady.

Tek eldiń soltústik-batysynda, soltústiginde kún jaýyn-shashynsyz. Respýblıka boıynsha ekpindi jel, túngi jáne tańerteńgi saǵattarda tuman túsedi.

Jambyl oblysynyń ońtústik-batysynda, taýly aýdandarynda, Almaty oblysynyń ońtústiginde, taýly aýdandarynda, Jetisý oblysynyń ońtústiginde, ortalyǵynda, taýly aýdandarynda jel turyp, jyldamdyǵy sekýndyna 30 metrge jetedi jáne odan da jyldam bolady.

Túrkistan oblysynyń taýly aýdandarynda, Jambyl oblysynyń batysynda 1-3 gradýs úsik kútiledi.