Túrkistan oblysynyń avtojol salasynda júıeli jemqorlyq táýekelderi anyqtaldy

<p>ASTANA. KAZINFORM &ndash; Sybaılas jemqorlyqqa qarsy is-qımyl agenttigi jáne onyń aýmaqtyq departamentteri jemqorlyq táýekelderin joıý jáne avtojoldar salasyndaǵy zańdylyqty qamtamasyz etý boıynsha turaqty negizde jumys júrgizip jatyr. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti málim etti.&nbsp;</p>

Túrkistan oblysynda avtomobıl joldaryn salý jáne jóndeý protsesterin taldaý barysynda básekelestikke jatpaıtyn tásilmen 2,2 mlrd teńgege negizsiz sharttar jasasý faktileri anyqtaldy.

Ákimdikter tótenshe jaǵdaılardyń saldaryn joıý nemese zııatkerlik menshik obektilerin satyp alý qajettiligi syltaýymen naqty merdigerlerdi iriktep alǵan.

Bul konkýrstyq protsedýralardy aınalyp ótýge jáne jumys tájirıbesi men resýrstary joq fırmalarǵa artyqshylyq berýge múmkindik berdi.

Bul rette ortasha jóndeý júrgizýge arnalǵan smetaǵa kútpegen shyǵystarǵa arnalǵan shyǵyndar negizsiz engizilip, bul jumystardyń 177 mln teńgege qymbattaýyna alyp keldi.

Sonymen qatar jergilikti atqarýshy organdar talap etilmegen jobalaý-smetalyq qujattama ázirleýge 210 mln teńge jumsady.

Taldaý qorytyndysy boıynsha memlekettik satyp alý rásimderiniń buzylýyna jol bergen kináli tulǵalar jaýapkershilikke tartylyp, Túrkistan oblysynyń ákimdigi joldardy ortasha jóndeý boıynsha kútpegen shyǵystardy alyp tastady, sondaı-aq qarjylandyrý bólinbesten jobalaý-smetalyq qujattama ázirleýge jol bermeıtin zańnamalyq ózgeristerge bastamashylyq jasady.