Túrkistan oblysyndaǵy joldar qysqa daıyn ba

<p>TÚRKІSTAN.KAZINFORM - Túrkistan oblysy aýmaǵyndaǵy oblystyq mańyzy bar avtomobıl joldarynyń uzyndyǵy 3983,34 shaqyrymdy quraıdy. Onyń ishinde 1943,3 shaqyrymy birinshi kezektegi qardan tazalanyp, ınertti materıaldar sebiletin joldar bolsa, 434 shaqyrymy &ndash; taýly aımaqtarda qar basyp qalý qaýpi joǵary aımaqtar.</p>

Sala mamandarynyń sózine súıensek, «Ońtústik joldary» MKK oblystyq mańyzy bar avtomobıl joldaryn qysqy kútip ustaýǵa tolyqtaı daıyn. Kásiporyn tarapynan oblystyq mańyzy bar avtomobıl joldaryn qardan tazartý úshin jalpy 118 arnaıy tehnıka, 258 jumysshy jumyldyrylǵan. Avtomobıl joldaryn der kezinde qardan tazalap, kóktaıǵaqtyń aldyn alý úshin qajetti ınertti materıaldardan 4 187,61 m3 qum jáne 393 tonna tuz ázirlengen.

Aýa-raıynyń qolaısyz mezgilinde oblystyq joldarda qalyp qoıǵan jolaýshylarǵa jaǵdaı jasaý maqsatynda Báıdibek aýdanynda «Shybyqbel», «Odamanbulaq» jáne Sozaq aýdanynda «Aşysaı», «Taskómirsaı» jylytý bekettteri jumys istep tur. Sonymen qatar osy jyldyń qarasha aıynan bastap «Ońtústik joldary» MKK mamandary tarapynan táýliktik kezekshilik uıymdastyrylyp otyr.

Foto: Túrkistan óńirlik kommýnıkatsııa qyzmeti

Kólik magıstraldarynda tótenshe jaǵdaılar týyndaǵan jaǵdaıda avarııalyq-qutqarý jumystaryna shuǵyl áreket etý boıynsha Túrkistan oblysynyń jolaýshylar kóligi jáne avtomobıl joldary basqarmasy, oblystyq tótenshe jaǵdaılar departamenti, oblystyq ákimshilik polıtsııa basqarmasy jáne «QazAvtoJol» UQ» AQ Túrkistan oblysy fılıaly arasynda is-áreket etý jospary bekitilgen.

Foto: Túrkistan óńirlik kommýnıkatsııa qyzmeti

Túrkistan oblysy tótenshe jaǵdaılar departamentiniń basqarma bastyǵy Talǵat Dosalıev aıtýynsha óńirde qar basý qaýpi joǵary 22 aýmaq bar. Onyń 6 respýblıkalyq mańyzy bar joldar bolsa, 16-y oblystyq mańyzy bar joldar. Atalǵan aýmaqtardaǵy qaýipsizdikti qamtamasyz etý maqsatynda 11 jylytý beketi ornalasqan.

«Qar qursaýynda qalyp, qıyndyqqa ushyrǵan azamattarǵa kómektesýge 191 jeke quram men 25 tehnıka qarastyrylǵan. Sonymen qatar, oblystyq mańyzy bar joldarda 9 shaqyrym jolǵa qar ustaǵysh qalqandar ornatyldy. Sondaı-aq, qar qursaýynda jáne kúrdeli meteojaǵdaıda zardap shekkenderge kómek kórsetý úshin 11 jylytý pýnkti esepke alynǵan, — dedi Talǵat Dosalıev.

Al, oblys ortalyǵy Túrkistan qalasynda 845 shaqyrymdy quraıtyn avtojol bar. Onyń ishinde 125,61 shaqyrymy ortalyqtaǵy birinshi kezekte qardan tazalanyp, ınertti materıaldar sebiletin joldar. Bıyl jyl basynan beri qalada asfaltty joldar kólemi 41,7 km artqan.

Qazirgi tańda, kommýnaldyq jumystarǵa jaýapty «Túrkistan Jaryq Tazalyq» JShS, «Jasyl el» JShS jáne «Túrkistan Sý» MKK men «SK Geokard» JShS mekemeleri tarapynan 12 KDM, 18 traktor ázirlengen. Sondaı-aq, qosysha ınfraqurylym, qurylys, jol bólimderi, «Jasyl Túrkistan» KMM, «Jol Qyzmeti» tarapynan – 10 júk tıegish, 22 kamaz tehnıkalary daıyndalǵan.

Kásiporyndar tarapynan mańyzy bar avtomobıl joldaryn qardan tazartý úshin jalpy 52 arnaıy tehnıka, 420 jumysshy jumyldyrylmaq. Avtomobıl joldaryn der kezinde qardan tazalap, kóktaıǵaqtyń aldyn alý úshin qajetti ınertti materıaldardan 310 tonna qum jáne 190 tonna tuz ázirlengen.