Túrkistan oblysyndaǵy trassalarda 4 jylytý beketi jumys istep tur

<p>Túrkistan oblysynda ornalasqan jylytý beketterine táýlik boıy kezekshilik qoıyldy, dep habarlaıdy <a href="Kazinform" target="_blank" rel="noopener">Kazinform</a>.</p>

Óńirdegi oblystyq mańyzy bar avtomobıl joldarynyń boıynda 4 jylytý beketi ornalasqan. Onda aýa raıynyń qolaısyzdyǵynan jolda qalyp qoıǵan jolaýshylar ýaqytsha turaqtap, ystyq tamaq iship, jylyna alady.

Atap aıtqanda, Báıdibek aýdanynda – Shybyqbel jáne Odamanbulaq, Sozaq aýdanynda – Aşysaı men Taskómirsaı jylytý beketteri bar.

Atalǵan beketter bir mezgilde 40 adamdy qabyldaı alady. ıAǵnı, tósek orynmen jáne azyq-túlikpen qamtamasyz etilgen. Búginde munda 70 tonna kómir jetkizilip, táýlik boıy kezekshilik qoıylǵan.

Túrkistan oblysy aýmaǵyndaǵy jalpy paıdalanymdaǵy oblystyq mańyzy bar avtomobıl joldarynyń uzyndyǵy - 3 983,34 shaqyrymdy quraıdy. Onyń ishinde 1 943,3 shaqyrymy - qardan tazalanyp, ınertti materıaldar sebiletin joldar bolsa, 434 shaqyrymy - qar basyp qalý qaýipi joǵary taýly aımaqtar.

Avtomobıl joldaryn der kezinde tazalap, kók taıǵaqtyń aldyn alý maqsatynda óńirde 5 588 tekshe metr qum jáne 417 tonna tuz ázirlengen. Búgingi tańda ınertti materıaldar aýdan-qalalardaǵy qoımalarǵa jınalǵan. Arnaıy tehnıkalarǵa qajetti janar-jaǵarmaı otynymen qamtamasyz etý jumystary boıynsha 180 tonna dızel, 150 tonna benzın otyny daıyndalǵan.