Túrkistan oblysyndaǵy profılaktıkalyq dáristerge 50 myńǵa jýyq jastar qatysty

<p>TÚRKІSTAN. KAZINFORM -Túrkistan oblysy Polıtsııa departamentiniń májilis zalynda esirtkiniń zańsyz aınalymyna qatysty máselelerdi talqylaý maqsatynda Úılestirý keńesi ótti. Oǵan Túrkistan oblysynyń ákimi Darhan Satybaldy, Polıtsııa departamentiniń basshysy Murat Qabdenov, oblys prokýrory Murat Tileýberdıev, UQK-niń Túrkistan oblysy boıynsha departamentiniń basshysy Bolat Qalmurzaev, SJQІQD bastyǵy Murat Tóleýbaev jáne basqa da quzyrly organ basshylary qatysty.</p>

Kezdesý barysynda esirtkige qarsy is-qımyl, aldyn alý máseleleri qaraldy. Esirtki, psıhotroptyq zattardyń zańsyz aınalymyna qatysty qylmystar men atqarylǵan jumystar talqylandy. Organ basshylary tarapynan baıandamalar oqylyp, jumysty shıratý joldary aıtyldy.

Prokoratýra tarapynan esirtkige qarsy kúresti kúsheıtý boıynsha tıisti eskertpeler men usynystar berildi. Oblystyq PD bastyǵynyń orynbasary Qurmanbek Sahov polıtsııanyń jumysy nátıjesinde jyl basynan beri esirtkiniń zańsyz aınalymyna qatysty 650-den astam derek tirkelip, 330 keliden astam esirtki tárkilengenin jáne esirtki qylmystaryn boldyrmaý maqsatynda 48 000-ǵa jýyq oqýshy men stýdenttiń qatysýymen profılaktıkalyq is-sharalar ótkizilgenin atap ótti.

Jalpy Túrkistan oblysynyń polıtsııasymen áleýmettik jelilerge monıtorıng júrgizý barysynda telegram kanalda anyqtalǵan 34 ınternet dúkenniń qyzmeti toqtatyldy. Al kıberqadaǵalaý baǵdarlamasy arqyly 104 saıt buǵattalǵan.

Keńeste Túrkistan oblysy ákiminiń orynbasary Beısenbaı Tájibaev ákimdik tarapynan esirtkiniń taralýyn shekteý jáne aldyn alý baǵytyndaǵy ıdeologııalyq jáne túsindirý jumystary, óńirde atqarylǵan is-sharalar týraly baıandady. Jastar arasynda túrli formattaǵy jıyndar, is-sharalar ótkizilgenin, esirtkige qarsy aqparattyq jumys turaqty júrip jatqanyn málimdedi. Oblystyq densaýlyq saqtaý, Bilim basqarmalarynyń basshylyǵy tarapynan da tıisti málimetter berilip, usynystar qaraldy.

Úılestirý keńesiniń músheleri jıyn barysynda nashaqorlyqtyń aldyn alý baǵytyndaǵy jumystardy, jastar men oqýshylar arasynda tárbıe jumystaryn jáne dáristerdi kúsheıtip, birlese jumys atqarýǵa ýaǵdalasty.