Túrkistan oblysyndaǵy óndiristik parkte 1000-nan astam jańa jumys orny qurylady
Jalpy Óndiristik parktiń quny 13 mlrd. teńgeni quraıdy jáne onyń qurylysy aıaqtalǵanda 1 teńge bıýdjettik qarjyǵa shamamen 7,5 teńge jeke ınvestıtsııa tartylýy kútilýde. Qosymsha 70 ga jer telimi anyqtalyp, ulǵaıtý josparlanýda. Mańyzdy joba Túrkistan oblysynyń ákimi Darhan Satybaldynyń jiti baqylaýymen júzege asýda. Óńir basshysy qurylys barysyn baqylap, jaýaptylarǵa birqatar tapsyrmalar júktedi.
Óndiristik parkter aýmaǵynda ákimshilik ǵımaratyn salý da josparda bar. Ǵımaratta park qatysýshylary óndirgen ónimderiniń kórme zaly uıymdastyrylatyn bolady.
Aýqymdy qurylys «Túrkistan» áleýmettik korporatsııasy jáne jeke ınvestor esebinen júrgizilýde. Mańyzdy joba 3 kezeńmen júzege asyrylylady. Birinshi kezeńde 10 ǵımarattyń qurylysy aıaqtalyp, 23 myń sharshy metr qoldanysqa berildi. Bir ǵımarattyń jalpy aýdany 1 584 sharshy metrdi quraıdy. Búgingi tańda 6 joba iske asyrylyp 30,7 mlrd. teńgege ınvestıtsııa tartylǵan jáne 550 jańa jumys oryndary qurylýda.
Qazirgi ýaqytta Óndiristik alańynda jumys jasap jatqan birqatar kásipkerler bar. Elimizde alǵash ashylǵan sý únemdeý tehnologııalaryn engizip, jańbyrlatyp sýarý jáne tamshylatyp sýarý júıelerin shyǵaratyn «BNK Group» JShS kásiporny osynda ornalasqan. Jalpy ınvestıtsııa quny 11,1 mlrd.teńgeni qurady. Túrkistandyq 100 turǵyn jańa jumysqa ornalasty.
«Aqniet Holding» JShS (ınvestıtsııa quny 3,1 mlrd.tg, 100 jańa jumys oryn) mektepke arnalǵan jıhazdar men medıtsınalyq jıhazdaryn óndiretin kásiporny, ýkraınalyq «UBC Group» kompanııasy (ınvestıtsııa quny 10 mlrd.tg, 350 jańa jumys oryn) ónerkásiptik tońazytqyshtardy óndiretin kásiporny park aýmaǵynda óz jumystaryn bastap jatyr. Budan bólek, medıtsınalyq ónimder, bólme aralyq esikter jáne taǵy basqa ónimderdi shyǵaratyn kásiporyndar da jumysyn bastaýda.
Aýqymdy qurylystyń ekinshi kezeńinde osy jyly jalpy aýmaǵy 25 myń sharshy metr bolatyn 12 ǵımarat salý josparlanýda. Atalǵan ǵımarattarǵa ınvestorlar iriktelinip alyndy, qurylysy aıaqtalǵan soń 1000 jańa jumys orny ashylady (ınvestıtsııa quny 32,3 mlrd. tg).
Al úshinshi kezeńde, 2025 jyly 14 ǵımaratty iske qosý josparlanyp otyr. Kásipkerler ınjenerlik ınfraqurylymy júrgizilgen, qurylysy daıyn óndiris oryndaryna qyzyǵýshylyq tanytatyny kúmánsiz.
Óndiristik parkti qurý maqsaty – ártúrli kólemdegi óndiristik kompanııalardy tartý arqyly (olarǵa qajetti tıimdi, ınnovatsııalyq óndiristik qýattar men zamanaýı formattaǵy qoıma úı-jaılar) olardyń ózara árekettesýi negizinde úılesimdi óndiristik orta qurý. Bul rette, óndiristik parkterdi qurý shıkizattyq emes sektordy damyta otyryp, óndiristiń ınnovatsııalyq damýyna múmkindik beredi.