Túrkistan oblysyndaǵy mektepterge jańadan berilgen avtobýstar satylyp ketti – feık

<p>Túrkistan oblysyndaǵy mektepterge jańadan berilgen avtobýstardyń satylyp ketkeni týraly taraǵan aqparat jalǵan, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Áleýmettik jelide Túrkistan oblysyndaǵy mektepterge jańadan berilgen avtobýstar satylyp ketkendi týraly vıdeo tarady. Vıdeo avtorynyń aıtýynsha, Saıram, Saryaǵash, Túlkibas, Keles aýdandaryna berilgen avtobýstar balalardy tasymaldaýǵa shyqpaı qoıǵan. Al qoldanysta júrgen eski kólikterge oqýshylar syımaıdy. Sondyqtan balalar mektepke qystyrylyp turyp barýǵa májbúr.

«Túrkistan oblysy ákimdiginen arnaıy tekserý komıssııasyn quryp, Saıram, Saryaǵash, Túlkibas, Keles aýdandaryna bólingen avtobýstardy tekserýdi suraımyn. Qansha avtobýstyń jumys istep jatqanyn, qanshasy ne úshin jumys istemeı turǵanyn, olardy kimderderiń satyp jibergenin anyqtasańyzdar», - deıdi ol.

Atalǵan máseleni Túrkistan oblysy Bilim basqarmasy nazarǵa alǵanyn málimdedi.

«Bıyl oblys boıynsha balalardy qaýipsiz tasymaldaýdy qamtamasyz etý úshin barlyq tasymaldaý talaptary saqtalǵan 101 jańa mektep avtobýstary lızıng tásilimen satyp alynǵan bolatyn. Qazirgi tańda 217 eldi-mekendegi oqýshylar 101 jańa avtobýspen jáne 23 mektep balansyndaǵy avtokólikpen, 87 merdigerler esebindegi avtobýstarmen tasymaldanyp jatyr. Óz tarapymyzdan jalǵan aqparat taratýshylar zańǵa sáıkes jaýapkershilikke tartylatynyn jetkizemiz», - delingen oblystyq Bilim basqarmasy aqparatynda.