Túrkistan oblysyndaǵy kolledjderge bóten adam kire almaıtyn boldy

<p>Túrkistan oblysyndaǵy kolledjderge &laquo;FACE ID&raquo; aqparattyq júıesin ornatyldy, dep habarlaıdy Kazinform.&nbsp;</p>

Jańa júıege kolledjdiń stýdentteri men muǵalimderiniń, tehnıkalyq qyzmetkerleriniń elektrondy sýreti men aty-jónderi engizilgen.

Qurylǵynyń beınekamerasyna qaraǵan kezde bazaǵa tirkelgen adamdarǵa týrnıketter avtomatty túrde ashylady. Al, syrttan kelgen bóten adamdarǵa arnaıy qyzyl belgi kórsetiledi. Bul bastama eń aldymen kolledjderge bóten adamdardyń kirmeýin qadaǵalaıdy. Sondaı-aq stýdentterdiń sabaqqa ýaqtyly kelýine de baqylaý júrgizýge bolady.

«Stýdentterge júrgiziletin monıtorıng jumysyn avtomattandyrý jáne bilim alýshylardyń sabaqqa qatysýlaryn qashyqtan qadaǵalaý maqsatynda oblystyq bilim basqarmasyna qarasty 25 memlekettik kolledj óz qarjaty esebinen FACE ID aqparattyq júıesin ornatty. Endi «FACE ID» aqparattyq júıesi basqarmamen ıntegratsııalanyp tolyq avtomattandyrylady» - delingen Túrkistan oblysy bilim basqarmasynyń baspasóz qyzmeti taratqan aqparatta.