Túrkistan oblysyndaǵy Bógen sý qoımasy 96,8 paıyzǵa toldy

<p>TÚRKІSTAN. KAZINFORM &ndash; Óńirdegi ózen-kólderde sý deńgeıi qalypty. Bul týraly Túrkistan oblysy Tótenshe jaǵdaılar departamentiniń aǵa ınjeneri Júsip Іlıasov málimdedi.</p>

Óńirde ornalasqan taýlardaǵy qar qory normadan tómendegen. Jaýyn-shashynnyń túsýi men ózenderdegi sý deńgeıi de qalypty. Al, sý qoımalardyń tolýy – 81 paıyzdy qurap otyr.

Syrdarııa ózenine Ózbekstan aýmaǵynan sekýndyna 275 tekshe metrge jýyq sý kelip quıylýda.

Óńirdegi Shardara sý qoımasy 91, Kóksaraı sý rettegishi 50, Bógen sý qoımasy 96,8, Qosqorǵan sý qoımasy 96,3, Maıdantal sý qoımasy 92,94, Yrmaq ózen sý qoımasy 92,39, Arystandy sý qoımasy 88, Torlan sý qoımasy 99 paıyzǵa tolyp tur. 

«Tasqyn sýdy qabyldaýǵa bos qor bar. Ózen boıyndaǵy eldi mekenderge eshqandaı qaýip tónip turǵan joq. Jol kartasy aıasynda atqarylǵan jumystardyń nátıjesinde 4 aýdandaǵy 20 eldi mekeninde sý tasqyny qaýpi seıildi. Sonymen qatar, kóktemgi sý tasqynynyń aldyn alý úshin barlyq aýdan-qalalarda qajetti jumystar júrgizildi. Sý tasqynyna qarsy is-sharalar josparyna sáıkes, 125 myń dana qap, 8 myń tonna janar-jaǵarmaı qory men 40 mln. teńge kólemindegi azyq-túlikke memormandým jasaldy. Sondaı-aq, azamattyq qorǵaý organdarynan 1064 jeke quram men 269 tehnıka ázirlendi», - dedi Júsip Іlıasov.