Túrkistan oblysyndaǵy 151 polıgonnyń 71 paıyzy talaptarǵa sáıkes kelmeıdi

<p>TÚRKІSTAN. KAZINFORM - Óńirde qoqys polıgondaryn retke keltirmegen ákimderdiń jaýapkershiligi qaralady. Túrkistan oblysy ákimdiginde ótken májiliste óńir basshysy Darhan Satybaldy atalǵan másele boıynsha jaýaptylarǵa tıisti tapsyrmalar berdi.&nbsp;</p>

Túrkistan oblysynda 2,1 mln adam turatyn 800-den astam eldi mekenniń 361-i ǵana qoqys shyǵarý qyzmetimen qamtylǵan. Aýdan, qalalar aýmaǵynda 151 qatty turmystyq polıgon orny belgilengen. Zerdeleý jumystarynyń nátıjesinde oblystaǵy 151 polıgonnyń 71%-y talaptarǵa sáıkes kelmeıtini anyqtalyp otyr. 

Túrkistan oblystyq tabıǵı resýrstar jáne tabıǵat paıdalanýdy retteý basqarmasynyń basshysy Qaırat Abdýalıevtiń aıtýynsha, oblys ákimimen Túrkistan oblysy aýmaǵyndaǵy qatty turmystyq qaldyqtar tastaıtyn polıgon oryndaryn ońtaılandyrý jáne talapqa sáıkestendirýdiń 3 jyldyq jospary ázirlenip, bekitilgen. Alaıda aýdan, qala ákimdikterimen osy kúnge deıin jumys júrgizilmegen. 

Oblys aýmaǵynda turǵyndar sanynyń kóbeıýine baılanysty, qatty turmystyq qaldyqtar kólemi de artyp keledi. 2024 jyldyń 5 aıynda qoqystardy qaıta óńdeý úlesi 22,2%-ǵa jetip otyr. Jyl qorytyndysymen mejeni 26%-ǵa jetkizý josparlanǵan. Qazyǵurt, Otyrar, Shardara, Báıdibek, Keles aýdandary aýmaǵynda qoqystardy suryptaý nemese qaıta óńdeý kásiporyndary bolmaǵandyqtan qoqystardy qaıta óńdeý kórsetkishin oryndaý kúmán keltirýde. 

2023 jyly QR Ekologııa, geologııa jáne tabıǵı resýrstar mınıstrliginiń «Qazaqstan Ǵarysh Sapary» UQ» AQ arqyly oblys aýmaǵynda ǵaryshtan túsirilim jasalyp, eldi mekender aýmaǵynda qatty turmystyq polıgonnyń syrtynda beı-bereket qoqystar tastalǵan 414 núkte anyqtalǵan. Al 2024 jyly 19 núkte anyqtalyp otyr, qazirgi ýaqytqa onyń 3-i tazalanǵan. ıAǵnı, turǵyndar eldi meken aýmaǵynda zańsyz ári turaqty túrde qoqys tastaýdy jalǵastyrýda. Bul máseleni sheshý boıynsha da mindet júkteldi. 

Májiliste oblys ákimi osy jumystardy jandandyrý, qoqystardy turaqty beı-bereket tastaıtyndarǵa tıisti aıyppul salý, tazalyqty saqtaý boıynsha úgit-nasıhat jumystaryn jandandyrý, zańsyz ári talapqa saı kelmeıtin qoqys polıgondaryn retteý jóninde tapsyrma berdi. Bul jumysty durys atqarmasa, aýdan, qala, aýyl ákimderi men jaýapty basqarma basshylaryna tıisti shara kóriletini eskertildi. 

«Aýdan, qala ákimdikteri men jaýapty basqarma usynǵan derekterde alshaqtyq bar. Naqtylap, shynaıy aqparatty usynyńyzdar. Qatty turmystyq qaldyq tastaıtyn polıgondardyń bári sanıtarlyq talapqa saı ári sapaly bolýy tıis. Tutas zerdelep, qadaǵalańyzdar. Qoqysty óńdeý boıynsha tıisti jumystar atqarylsyn», - dedi Darhan Satybaldy.