Túrkistan oblysynda jumyssyz jastardyń sanyn azaıtý baǵytynda jumys kúsheıe tústi
Túrkistanda memlekettik jastar saıasatyn oblys kóleminde júzege asyrylýy boıynsha aýdan, qalalyq jastar resýrstyq ortalyqtary basshylarymen májilis ótti.
Kezdesý barysynda bıylǵy jyldyń 6 aıynda atqarylǵan jáne alda atqarylatyn jumys jospary talqylandy.
Jıynda Beısen Tájibaev jastardy memlekettik baǵdarlamamen qamtý, jas kásipkerlerdi qoldaý, «Kásiptik baǵdar berý» boıynsha oblys jastaryna nasıhattaý jumystaryn jandandyrý, «Serpin» baǵdarlamasyn nasıhattaý, óńirimizdegi jastar saıasatyn damytý jáne tájirıbe almasý maqsatynda jumystardy kúsheıtýdi tapsyrdy.
«Jastar — elimizdiń bolashaǵy. El erteńi — jastardyń qolynda. Aýdan, qalalyq jastar resýrstyq ortalyqtarynda birshama jumystar atqaryldy. Ásirese, jumys júrgizý barysynda basty basymdyq jastardy jumyspen qamtý baǵytyna aýdaryldy. Basty maqsat — jumyssyz jastar sanyn azaıtý. Osy maqsatta óńirde kásiptik bilimi joq jáne jumyssyz júrgen jastarǵa qoldaý kúsheıtilip, jumysqa ornalastyrý boıynsha belsendi kómek kórsetilip, ózge de qoldaý sharalary qolǵa alynýy kerek. Aldaǵy ýaqytta NEET sanatyndaǵy jastar úlesin azaıtý maqsatynda áleýmettik qoldaý, bilim alýǵa jáne jumysqa ornalasýǵa kómek kórsetý boıynsha júıeli sharalar qabyldanýy tıis», — dedi oblys ákiminiń orynbasary Beısen Tájibaev.
Túrkistan oblysy qoǵamdyq damý basqarmasynyń Jastar resýrstyq ortalyǵynyń basshysy Ernar Bektaev jumys esebi men bıyl atqarylatyn jumystary týraly baıandady.
Onyń málimdeýinshe, Túrkistan oblysynda 14-35 jas aralyǵyndaǵy jastar sany 663 myńnan asyp, halyq sanynyń 30 paıyzyn quraıdy.
Oblystaǵy jumyssyz jáne NEET sanatyndaǵy jastardyń úlesin azaıtý maqsatynda 12 memlekettik baǵdarlama aıasynda 40 863 jasty tartý josparlanǵan bolatyn.
Jastardy atalǵan memlekettik baǵdarlamalarmen qamtý jáne aqparattandyrý maqsatynda aýdan, qalalyq jastar resýrstyq ortalyqtary nasıhattaý jumystary júrgizilýde.
Nátıjesinde 6 aıda 10 008 jas tartyldy. Qazirgi tańda, ortalyqtarda memlekettik baǵdarlamalardy nasıhattaý maqsatynda 169 918 jasqa keńes berildi.
«Serpin» baǵdarlamasy boıynsha jumystardy kúsheıtý maqsatynda jastar resýrstyq ortalyqtarynyń qyzmetkerleri soltústiktegi joǵarǵy oqý oryndaryna arnaıy issaparmen baryp, birqatar yntymaqtastyq memorandýmdarǵa qol qoıyldy.
Bıyl «Serpin –2050» «Máńgilik el jastary — ındýstrııaǵa» memlekettik baǵdarlamasyn nasıhattaý maqsatynda 6 ýnıversıtettiń ókilderi kelip, aýdandarda mektep bitirýshi túlektermen kezdesý ótkizdi.
Odan bólek «Agrarlyq nesıe korporatsııasy» AQ arqyly 2021-2025 jyldary kásipkerlikti qoldaýǵa arnalǵan ulttyq jobasy aıasynda jastarǵa arnalǵan jeńildetilgen shaǵyn 2,5% kólemindegi nesıeni 621 jasqa berý josparlanyp otyr.
Bıyl kásiptik bilim alýǵa nıetti bitirýshi túlekterge memleket tarapynan orta arnaýly oqý oryndaryna 15 500 grant bólingen bolatyn.
Grant ıgerý maqsatynda bilim basqarmasymen memorandýmǵa otyryp, oblystyq jastar resýrstyq ortalyǵy janynan qurylǵan mobıldi top 17 aýdan, qalany aralap, memlekettik grantty nasıhattaý jumystary júrgizilip jatyr.
Sondaı-aq, osy jyly memlekettik jastar saıasatyn júrgizý maqsatynda túrli baǵyttar boıynsha jalpy 12 is-shara josparlanǵan.