Túrkistan oblysynda júk poıyzy relsten shyǵyp ketti
22:02, 25 Maýsym 2024
<p>TÚRKІSTAN. KAZINFORM - Oqıǵa Túlkibas aýdanyndaǵy «Qaraqshy» ýchaskesinde boldy. Júk poıyzy relsten shyǵyp ketken. </p>
Túrkistan oblysy tótenshe jaǵdaılar departamentiniń baspasóz qyzmeti usynǵan aqparatta súıensek, apatty jaǵdaıdan 8 vagon búıirine aýdarylyp qalǵan. Saldarynan joǵary voltty elektr jelisine zaqym kelip, shpaldar men qýraǵan shópter órtengen.
Oqıǵa ornyna kelgen qutqarýshylar 150 sharshy metr jerdegi órtti joıdy.
Zardap shekkender men qaıtys bolǵandar joq. Qairgi tańda apatty jaǵdaıdyń saldaryn joıý jumystary júrgizilip jatyr.
Eske salsaq, buǵan deıin Túrkistan oblysynda qoǵamdyq oryndardy lastaǵan 10 myńnan astam adamǵa aıyppul salynǵanyn jazǵan edik.