Túrkistan oblysynda JRVI juqtyrǵandar sany 43,6 paıyzǵa jetti

<p>TÚRKІSTAN. KAZINFORM - Túrkistan oblysyna tumaý men JRVI-ǵa qarsy 271 348 dana &laquo;Grıppol+&raquo; ekpesi jetkizildi. Jalpy óńir turǵyndarynyń 12,9 paıyzyna ekpe egý josparlanyp otyr.</p>

Bul týraly oblystyq sanıtarlyq-epıdemııalogııalyq baqylaý departamenti basshysynyń orynbasary Bahtyoraz Elemesov málimdedi.

Túrkistan oblysy boıynsha jyl basynan beri 150 227 turǵyn jiti respıratorlyq vırýstyq ınfektsııa (JRVI) juqtyrǵan. Bul kórsetkishti ótken jyldyń sáıkes kezeńimen salystyrar bolsaq, naýqastanýshylardyń 43,6 paıyzǵa óskenin kóremiz. Sondyqtan da JRVI-ǵa qarsy ımmýndaý naýqany bıyl 1 qyrkúıekten, al tumaýǵa qarsy ımmýndaý naýqany 15 qyrkúıekten bastalyp otyr.

«Qazirgi ýaqytta oblystyq qoımaǵa 50 000 dana ekpe jetkizildi. JRVI jáne COVID-19 ınfektsııalarynyń asqynýlaryna jol bermeý úshin óńir boıynsha 1 qazanǵa deıin ekpe egý jumystaryn tolyq aıaqtaý josparlanyp otyr», - dedi Bahtyoraz Elemesov.

Al, oblystyq densaýlyq saqtaý basqarmasynyń basshysy Ashan Baıdýalıev qazirgi tańda JRVI juqtyrǵan 203 naýqas pen pnevmonııamen aýyrǵan 9 adam ınfektsııalyq tósek-orynda jatqandyǵyn aıtty.

«Jalpy oblys boıynsha 686 ınfektsııalyq tósek-oryn bar. Onyń 241-i eresekterge arnalǵan bolsa, 445-i balalarǵa arnalǵan. Sondaı-aq, 287 reanımatsııalyq tósek-oryn jasaqtaldy» - dedi Ashan Baıdýalıev.