Túrkistan oblysynda jolda adasyp qalǵan 287 adam qutqaryldy, onyń 30-y balalar

<p>Túrkistan oblysy aýmaǵynda aýa-raıynyń qolaısyzdyǵynan jolda qalyp qoıǵan azamattarǵan arnalǵan jedel jeli iske qosyldy, dep habarlaıdy <a href="Kazinform" target="_blank" rel="noopener">Kazinform</a>.</p>

Túrkistan oblysynda eki kúnnen beri burqasyn jel toqtamaı tur. Saldarynan Báıdibek pen Túlkibas aýdandarynyń aýmaǵy, «Batys-Eýropa - Batys-Qytaı» trassasy, Qoshqarata-Jaryqbas-Birlik, Shaıan-Aǵybet-Shaqpaq, Kóksáıek-Aqsý-Myńbulaq baǵytyndaǵy joldar jabylǵan.

Ótken táýlikte qutqarýshylar jolda adasyp ketken 287 adamdy qutqardy, onyń 30-y balalar.

«Túrkistan oblysynyń TJD qolaısyz aýa-raıynda jáne táýliktiń qarańǵy ýaqytynda jetýi qıyn jerge barmaý kerektigin eskertedi. Qala syrtyna baratyn bolsańyz, joldardyń jaı-kúıi týraly «Darmen» mobıldi qosymshasynan bilýge bolady.

Qazirgi tańda oblysta 1 respýblıkalyq, 10 oblystyq jol jabyq», - delingen Túrkistan oblysy TJD baspasóz qyzmeti taratqan aqparatta.

Aıta keteıik, Túrkistan oblysy aýmaǵynda aýa-raıynyń qolaısyzdyǵynan jolda qalyp qoıǵan azamattarǵan arnalǵan jedel jeli iske qosyldy.

Jedel jeli: 8 725 33 5 78 97 nemese 102.