Túrkistan oblysynda jyl basynan beri 17 adam sýǵa ketken, onyń 13-i balalar

<p>TÚRKІSTAN. KAZINFORM &ndash; 2 balanyń denesi ózennen, 8 adamnyń denesi kanaldan tabylǵan. &nbsp;Al, úı aýlasyndaǵy shuńqyrǵa 7 adam qulap ketken. Bul týraly Túrkistan oblysynyń TJD Azamattyq qorǵanys basqarmasynyń bastyǵy Dúısen Orazgeldi málimdedi.&nbsp;</p>

Túrkistan oblysy ákimdiginiń qaýlysyna sáıkes óńirde shomylýǵa arnalǵan 27 oryn bekitilgen. Qazirgi tańda onda kommýnaldyq jaǵajaılar ashý jumystary júrgizilip jatyr.

Al, balalardyń abaısyzda kanaldarǵa qulap ketýiniń aldyn alý maqsatynda eldimekender ishinen ótetin kanaldarǵa qorshaýlar ornatylýda.

«Túrkistan oblysynda jyl basynan beri 17 adam sýǵa ketken, onyń 13-i balalar. Oblys aýmaǵynda sýdaǵy qaýipsizdik boıynsha úgit-nasıhat jumystary toqtaýsyz júrgizilip keledi. Jyl basynan beri jergilikti ákimdikter men polıtsııa qyzmeti, kólik jáne balyq sharýashylyǵy ınspektsııalarymen birlesken reıdtik jumystar, halyqpen kezdesýler uıymdastyrylyp jatyr. Sondaı-aq «Sýdaǵy qaýipsiz demalys» aktsııasy men bilim berý uıymdarynda ınteraktıvti sabaqtar ótkizildi. Úgit materıaldary taratylyp, jergilikti BAQ maqalalar jarııalandy. Bul jumystar aldaǵy ýaqytta da jalǵasyn tabady» - dedi Dúısen Orazgeldi.