Túrkistan oblysynda jer qoınaýyn zańsyz paıdalanýǵa shyqqan 100-den astam tehnıka aıypturaqta

<p>TÚRKІSTAN. KAZINFORM &ndash; Óńirde jer qoınaýyn zańsyz paıdalanýshylarmen kúres kúsheıtilgen túrde júrip jatyr. Quzyrly organ basshylary men karer ıeleriniń qatysýymen ótken keńeıtilgen keńeste jer qoınaýyn zańsyz paıdalanýshylarǵa kóriletin shara, aldyn alý jaıttary talqylandy.</p>

Túrkistan oblysynda tabıǵatqa zalal keltirýshilerdi anyqtaý maqsatynda reıdtik jumystar táýlik boıy júrgizilip keledi. Bul baǵytta jyl basynan beri 19 qylmystyq is qozǵalyp, sotqa deıingi tergeý jumystary júrip jatyr. Zańsyz jer qoınaýyn paıdalaný boıynsha 142 turǵyn anyqtalǵan. Al, 100-ge tarta tehnıka aıypturaqta. Olardyń ishinde ekskavator, pogrýzşık, KAMAZ sekildi aýyr júk kólikteri bar. Ázirge, 63 ákimshilik is qozǵalyp, ekologııa departamentimen 24 hattama toltyrylǵan.

«Polıtsııa tarapynan zań buzýshylardy anyqtaý boıynsha jumystardyń júrgizilýi toqtamaıdy», - dedi polıtsııa polkovnıgi Qurmanbek Sahov.

Atalǵan másele aıasynda birqatar baıandama jasalyp, óńirde jer qoınaýyn paıdalanýshylar, qumdy-qıyrshyq tas, qurylysqa arnalǵan saz topyraqty zańsyz artyp áketip jatqandarmen kúres barysy talqylandy. Al karer ıeleri qurylym basshylaryna ózderiniń kókeıdegi saýalyn qoıyp, naqty jaýap aldy.