Túrkistan oblysynda jemqorlyq faktisin habarlaǵandarǵa syıaqy berildi
Sońǵy 3 jylda Túrkistan oblysynda jemqorlyq qylmysynyń jolyn kesýge járdemdesken 36 turǵyn 5,1 mln teńge syıaqy alǵan. Al, bıylǵy jyl basynan beri jemqorlyq faktisin habarlaǵan 7 azamatqa 1,6 mln teńge syıaqy taǵaıyndaldy.
Turǵyndardyń habarlamalarymen bilim berý, áleýmettik qorǵaý, densaýlyq saqtaý, aýylsharýashylyǵy, qurylys, jer qatynastary jáne sport salalarynda jemqorlyq qylmystary anyqtalyp otyr.
«Zań talaptarymen kózdelgen syıaqy mólsheri jemqorlyq quqyq buzýshylyqtyń aýyrlyǵyna baılanysty tólenedi. Eń joǵary syıaqy mólsheri bıylǵy jyly 13 mln 800 myń teńgeni qurap otyr. Syıaqy sottyń zańdy kúshine engen aıyptaý úkimi nemese ákimshilik jaza týraly qaýlysy bolǵanda beriledi. Sybaılas jemqorlyq faktilerine tap bolǵan kez kelgen azamat @antikorkz_bot Telegram-boty nemese 1424 nómiri arqyly arqyly habarlaı alady» delingen Qazaqstan Respýblıkasy Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń baspasóz qyzmeti usynǵan aqparatta.