Túrkistan oblysynda jatyr moınynyń obyrymen syrqattanýshy áıelder kóbeıgen

<p>TÚRKІSTAN. KAZINFORM &mdash; Kúzden bastap elimizde 11 jasar qyz balalarǵa &laquo;Adam papıllomasy&raquo; vırýsyna qarsy ekpe salynady. Bul týraly Túrkistan oblysynyń densaýlyq saqtaý basqarmasy basshysynyń orynbasary Saltanat Jabaǵıeva málimdedi.</p>

Statıstıkalyq málimetterge súıener bolsaq, 2022 jyly jatyr moınynyń obyry boıynsha óńirde 127 jaǵdaı tirkelip, onyń 49-y ólimmen aıaqtalǵan. Al, ótken jyly 142 áıel osy syrqatqa shaldyqqan. Saldarynan 48-i qaıtys boldy. Atalǵan derttiń aldyn alý maqsatynda aldaǵy kúzden bastap 11 jastaǵy qyzdarǵa ekpe salynatyn bolady. «Adam papıllomasy» vırýsyna qarsy vaktsınatsııa mektepterde nemese tirkelgen meken-jaıy boıynsha emhanalarda tegin egiledi. Sala mamandarynyń sózine súıensek, 2030 jylǵa qaraı 15 jasqa deıingi barlyq qyzdardyń 90 paıyzyn ekpemen qamtý josparlanyp otyr.

«Jatyr moıny obyry — barlyq jastaǵy áıelder arasynda sút beziniń obyrynan keıingi keń taralǵan syrqattyń túri. Jatyr moıny obyrynyń damýyna áıeldiń «Adam papıllomasy» vırýsy ınfektsııasyn juqtyrýy sebep bolatyny ǵylymı dáleldengen. Vırýs juqtyrýdyń jáne onyń damýynyń aldyn alýdyń jalǵyz joly — ekpe saldyrý. Ekpe mektepterde nemese tirkelgen meken jaı boıynsha emhanalarda tegin egiledi. Aıta keterligi, qyz balalardy vaktsınatsııalaý — ata-analarynyń kelisimimen ǵana júrgiziledi», — dedi Saltanat Jabaǵıeva.