Túrkistan oblysynda jasóspirimder oqýshyny uryp-soqqan
Áleýmettik jelide taraǵan vıdeodan álimjettik kórsetken balanyń jasóspirimdi aıaýsyz uryp-soqqanyn kórýge bolady. Jábirlenýshiniń basynan teýip, betinen urǵan. Tipti, jerge jatqyzyp, tepkiniń astyna alǵan. Al, úshinshi jigit jaryq jaǵyp, vıdeoǵa túsirip, qarap turǵan. (Eskertý: vıdeo qatygezdik belgileri bolýyna baılanysty materıalǵa qosa salynbady - red).
Eki oqýshynyń arasyndaǵy áńgimeni de sózbe-sóz berýdi jón kórdik:
«Chernıaevkada ekinshi júrmeımin de. Eger júrseń sháılańdy tigip, óltirip qoıamyn. Qaryzdaryńdy qashan qoıyp tastaısyń.
- Aqsha bolǵanda...
- Aqshań kerek emes, Chernıaevkadan voobşe kórinbe».
Atalǵan oqıǵa Saryaǵash aýdanynda boldy. Qazir kámeletke tolmaǵan jastar polıtsııaǵa jetkizilip, tergeý júrip jatyr. Saraptamalar da taǵaıyndalǵan.
«Búgingi tańda janjaldyń shyǵý sebepteri anyqtalýda. Jábirlenýshi anasymen birge turady, ata-anasy ajyrasqan. Kúdiktiler de sol aýyldyń turǵyndary, jetinshi jáne toǵyzynshy synyp oqýshylary. Janjalǵa qatysýshylardyń ata-analary balalardy tárbıeleý jónindegi mindetterin durys oryndamaǵany úshin jaýapkershilikke tartylatyn bolady. Al, oqý oryndarynyń basshylyǵy men ustazdardyń jaýapkershiligi ákimdik janyndaǵy arnaıy komıssııa otyrysynda qaralady. Іs departament bastyǵynyń baqylaýynda», - dedi Túrkistan oblysynyń polıtsııa departamenti bastyǵynyń orynbasary Asyljan Qaldarbekov.