Túrkistan oblysynda jańa ónerkásiptik park pen zamanaýı aýrýhana ashylady

<p>Premer-Mınıstr Álıhan Smaıylov Túrkistan oblysyna jumys saparymen bardy.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://primeminister.kz/kz/news/turkistan-oblysynda-zhana-onerkasiptik-park-pen-zamanaui-kopbeyindi-aurukhana-ashylady-25964" target="_blank" rel="noopener">primeminister.kz</a>&nbsp;saıtyna silteme jasap.</p>

Óńirde Úkimet basshysy birinshi kezekte jańa ónerkásiptik parktiń jáne zamanaýı kópbeıindi aýrýhana qurylysynyń barysymen tanysty.

Aýdany 66 myń sharshy metrden asatyn «Túrkistan» ÁKK» AQ ónerkásiptik parkin jyl sońyna deıin aıaqtaý josparlanyp otyr. Jumys sapary barysynda Premer-Mınıstrge óńirdegi iri ınvestıtsııalyq jobalardyń, onyń ishinde hımııa kesheni, bý-gaz qondyrǵysy, munaı óńdeý zaýyty, gaz elektr stansasy, kúkirt qyshqylyn óndirý zaýyty, ónerkásiptik jylyjaı, mal bordaqylaý alańy jáne basqa da nysandardyń iske asyrylýy týraly baıandaldy.

Munda úkimettik delegatsııa Túrkistan oblysynda óndiriletin jıhaz ónimderiniń úlgilerimen tanysty.

Álıhan Smaıylov sońǵy jyldary elimizde jıhaz ónerkásibi belsendi damyp kele jatqanyn atap ótti. Qazir onda 1500-ge jýyq kásiporyn jumys isteıdi. Osy jyldyń 8 aıynda sala óndirisiniń kólemi 25,2% artsa, osy salaǵa salynǵan ınvestıtsııalar kólemi 65% ulǵaıdy. 2026 jylǵa deıin salada jalpy quny 5,3 mlrd teńgeni quraıtyn birqatar jańa jıhaz óndirisin iske qosý josparlanyp otyr.

Úkimet basshysy atap ótkendeı, búginde memleket tarapynan keń aýqymdy qoldaý kórsetilip keledi. Máselen, «Ónerkásiptik saıasat týraly» Zań sheńberinde kásiporyndardy shıkizatpen qamtamasyz etý sharalary, suranysty yntalandyrý, ónerkásiptik granttar qarastyrylǵan. Sondaı-aq arnaıy ekonomıkalyq jáne ındýstrııalyq aımaqtarda óndirýshiler qajetti ınfraqurylymmen qamtamasyz etiledi, kedendik bajdardan jáne taǵy basqa salyqtardan bosatý qarastyrylǵan.

«Otandyq jıhaz óndirýshiler ótken jyldan beri memlekettik satyp alýǵa qatysý kezinde basym quqyqqa ıe, sondyqtan osyndaı kásiporyndardy damytýdyń mańyzy zor. Túrkistan oblysynyń ákimdigi ınvestorlardy tartý boıynsha belsendi jumys istep, óndirýshilerge barlyq qolaıly jaǵdaı jasaýy qajet», — dedi Álıhan Smaıylov.

Budan ári Premer-Mınıstr 570 tósek-oryndyq zamanaýı kópbeıindi oblystyq aýrýhana qurylysynyń barysymen tanysty. Qazirgi ýaqytta jumystyń shamamen 50%-y aıaqtaldy. Nysandy paıdalanýǵa berý ýaqyty 2024 jylǵy jeltoqsanǵa josparlanǵan.

Álıhan Smaıylov Túrkistan oblysynda 2 mıllıonnan astam adam turatynyn, sondyqtan jańa áleýmettik nysandardy iske qosý mańyzdy ekenin atap ótti.

«Bul – óte mańyzdy joba. Óńirde syrqattar sany kóbeıip otyr, mundaǵy aýrýhanalar tapshylyǵyn kórip otyrmyz. Sondyqtan jobany memlekettik-jekemenshik áriptestik sheńberinde keshiktirmeı iske qosý mańyzdy. Tehnıkalyq máselelerge kelsek, muny Densaýlyq saqtaý mınıstrligimen birlesip pysyqtap, jyl sońyna deıin kelisimdi bekitý kerek», — dedi Premer-Mınıstr.

Bul rette ol «Aýyldyq densaýlyq saqtaýdy jańǵyrtý» ulttyq jobasy aıasynda oblysta 49 jańa alǵashqy medıtsınalyq-sanıtarııalyq kómek kórsetý nysanyn salý jáne 4 aýdandyq aýrýhanany jańǵyrtý josparlanyp otyrǵanyn eske saldy.

«Jalpy, densaýlyq saqtaý salasyndaǵy barlyq nysandar mınıstrliktiń baqylaýynda bolýy jáne ýaqtyly iske asyrylýy tıis», — dep túıindedi sózin Álıhan Smaıylov.

Budan ári QR Premer-Mınıstri Álıhan Smaıylov jalpy aýdany 400 gektar bolatyn qara órik baqtarynyń birine bardy.

Búgingi tańda baý-baqsha nysanynyń qýaty gektaryna 20-30 tonna ónimdi quraıdy. Munda zamanaýı tehnologııalarǵa sáıkes birneshe jyl boıyna ónim beretin sorttar otyrǵyzyldy.

Maýsymdyq kezeńde kásiporynda 120 adam eńbek etedi, 50-den astam adam turaqty jumyspen qamtylǵan.

Premer-Mınıstr respýblıkanyń aýyl sharýashylyǵy óndirisiniń tıimdiligin arttyrý aıasynda Úkimet osyndaı jobalarǵa qoldaý kórsetýdi, onyń ishinde aýyl halqynyń tabysyn ulǵaıtýǵa baǵyttalǵan «Aýyl amanaty» jobasy sheńberinde de qoldaý sharalaryn jalǵastyratynyn atap ótti.