Túrkistan oblysynda zańsyz tasymaldan 47 tonna dızel otyny tárkilendi

<p>TÚRKІSTAN. KAZINFORM - Janar-jaǵarmaı beketterinde munaı ónimderiniń jasandy tapshylyǵynyń aldyn-alý, alypsatarlyqqa jáne dızel otynyna qoldan tapshylyq jasaýǵa jol bermeý, munaı ónimderiniń zańsyz tasymalyna tosqaýyl qoıý maqsatynda óńirde reıdtik is-shara ótti.&nbsp;</p>

3 táýlikke jalǵasqan reıd barysynda 2 hattama toltyrylyp, 683 020 teńgege aıyppul salyndy. 47 tonna dızel otyny tárkilendi.

Arnaıy jasaqtalǵan jumysshy toptyń quramynda ıýolǵan Túrkistan oblysynyń kásipkerlik jáne ónerkásip basqarmasy, oblystyq polıtsııa departamenti, Túrkistan oblysy boıynsha memlekettik kirister departamenti, QR Básekelestikti qorǵaý jáne damytý agenttiginiń Túrkistan oblysy boıynsha departamenti, Qazaqstan Respýblıkasy Qarjy monıtorıngi agentiginiń Túrkistan oblysy boıynsha ekonomıkalyq tergep-tekserý departamenti, Túrkistan oblysy boıynsha kólik ınspektsııasy, Tabıǵı monopolııalardy retteý komıtetiniń Túrkistan oblysy boıynsha departamenti mamandary birlese jumys istedi.

Túrkistan oblystyq kásipkerlik jáne ónerkásip basqarmasy basshysynyń orynbasary Nurgúl Abdrazaqovanyń aıtýynsha, bul baǵyttaǵy jumystar aldaǵy ýaqytta da jalǵasady. Janar-jaǵarmaıdyń zańsyz tasymaly qatań baqylaýǵa alynǵan.