Túrkistan oblysynda zańsyz ań aýlaǵan Sırııa azamattary ustaldy
Kúdiktilerden 382 aqbóken múıizi, 119 tomaǵa, 20-dan astam qus ustaýǵa arnalǵan tuzaq, 7 ratsııa, ańshylyq jáne pnevmatıkalyq myltyq, optıkalyq kórý quraly, jaryqtandyrǵysh, 15 kelige jýyq arqar eti jáne basqa da zattaı dáleldemeler tárkilendi.
Memleketke keltirilgen shyǵynnyń aldyn ala eseptelgen kólemi 1 mıllıard teńgeden asady.
Qazir brakonerlik faktisi boıynsha qylmystyq is qozǵalyp, tıisti saraptamalar taǵaıyndaldy.
«Tártip saqshylary Sozaq aýdany men Shymkent qalasy aýmaǵynda QR Qyzyl kitabyna engizilgen janýarlar men qustardy zańsyz aýlaý, sondaı-aq derıvattardy saqtaý jáne satýǵa kúdikti adamdar tobynyń qylmystyq áreketin anyqtap, jolyn kesti. Jalpy 7 adam ustaldy. Polıtsııaǵa jetkizilgenderdiń tórteýi Qazaqstan azamaty, al qalǵan úsheýi elimizde turýǵa yqtııarhaty bar Sırııa azamattary» - delingen Túrkistan oblysy polıtsııa departamentiniń baspasóz qyzmeti usynǵan aqparatta.