Túrkistan oblysynda zamandasyna álimjettik kórsetken jasóspirim arnaıy mektep-ınternatqa jiberiledi

<p>TÚRKІSTAN. KAZINFORM &ndash; Balalardy tárbıeleý jónindegi mindetterin durys oryndamaǵany úshin jasóspirimderdiń ata-analary da jaýapkershilikke tartyldy.</p>

Saryaǵash aýdanynda bolǵan jastar arasyndaǵy tóbeles áleýmettik jelide keńinen taraǵan bolatyn. Zamandastaryna álimjettik kórsetken oqýshylar, ony aıaýsyz uryp-soqqan. Birneshe márte basynan teýip, betinen urǵan. Qazirgi kezde polıtsııa atalǵan buzaqylyq áreket boıynsha tergeý júrgizip jatyr.

«Kúdikti jasóspirimniń ata-anasy balalardy tárbıeleý jónindegi mindetterin oryndamaǵany úshin jaýapkershilikke tartylyp, materıaldar sotqa joldandy. Al aýdan ákimdigi janyndaǵy kámeletke tolmaǵandardyń quqyqtaryn qorǵaý jónindegi komıssııa kúdikti, ıaǵnı kámeletke tolmaǵan balany Abaı oblysynda ornalasqan erekshe rejımde ustaıtyn arnaıy mektep-ınternatqa jiberý týraly sheshim qabyldady. Sondaı-aq Túrkistan oblysynyń bilim basqarmasyna keshendi tekserý júrgizý úshin usynys hat daıyndalyp jatyr», - delingen Túrkistan oblysy polıtsııa departamentiniń baspasóz qyzmeti usynǵan aqparatta.

Aıta keteıik, buǵan deıin Saryaǵash aýdanynda jasóspirimder oqýshyny uryp-soqqanyn jazǵan bolatynbyz.