Túrkistan oblysynda iz-tússiz joǵalǵan jigit kórshisiniń úıinen tabyldy

<p>TÚRKІSTAN. KAZINFORM &mdash; Moıynyndaǵy kóp qaryzynan qorqyp,&nbsp; ata-anasyna aıtýǵa batyly jetpegen&nbsp; jigit kórshisine eskertpesten onyń úıinde jasyrynyp júrgen. Bul týraly Polisia.kz saıty habarlady.</p>

Keles aýdandyq polıtsııa bólimine jergilikti turǵyn óziniń 23 jastaǵy ulynyń saǵat 21:30 shamasynda úıinen shyǵyp ketip, qaıta oralmaǵanyn habarlaǵan.

Ata-anasy ulyn bir kún boıy izdep, nátıje bolmaǵan soń polıtsııaǵa habarlaǵan.

«Tártip saqshylary birden joǵalǵan er azamatty izdeýge jumyldyryldy. Ýchaskelik polıtsııa ınspektorlary sol mańdaǵy barlyq kóshe men aýlalardy muqııat qarap shyǵyp, turǵyndardan surastyrdy» -  delingen habarlamada.

Eki kúnge sozylǵan jedel izdestirý jumystarynyń nátıjesinde ǵaıyp bolǵan jigit kórshisiniń úıinen tabyldy. Tártip saqshylary anyqtaǵandaı, 23 jasar jigittiń jeke basynda úlken somada qaryzy bolǵan. Ol jaǵdaıdy ata-anasyna jetkizýge qorqyp, kórshisine aıtpastan onyń úıinde tyǵylyp júrgen. Búginde oqıǵanyń tolyq mánjaıy anyqtalyp jatyr. Іzdeýge at salysqan polıtseılerge ata-anasy alǵysyn aıtyp, rızashylyqtaryn bildirdi.