Túrkistan oblysynda úıinde bosanǵan áıel perzenthanaǵa TJD kóligimen jetkizildi

<p>TÚRKІSTAN. KAZINFORM &ndash; Jedel járdem qyzmetiniń mamandary 38 jastaǵy kelinshekti úıinde bosandyryp aldy.</p>

Oqıǵa Tólebı aýdanynda boldy. 38 jastaǵy júkti kelinshekti jedel járdem qyzmetkerleri úıinde bosandyryp aldy. Sodan aýrýhanaǵa alyp shyqqanda kólikteri qar qurasaýynda qalyp qoıǵan. Der kezinde jetken Tótenshe jaǵdaılar departamentiniń mamandary jas bosanǵan anany qutqarýshylardyń kóligine salyp, aýrýhanaǵa jetkizdi. Kelinshek arnaıy kereýetke jatqyzylyp, aýrýhanaǵa da kóterip kirgizilgen. Qazirgi tańda ana men balanyń jaǵdaıy qalypty.

«Shubaraǵash eldi mekeniniń turǵyny, 1986 jyly týǵan Janna Sarsenova tolǵaǵy kelýine baılanysty 103 baılanys nomerine qońyraý shalǵan. Jedel járdem kóligi ýaqtyly jetip, aýrýhanaǵa jetkizý barysynda eldi meken ishinde qar qursaýynan shyǵa almaı qaldy. Habarlama alysymen Tólebı aýdanynyń Tótenshe jaǵdaılar bólimine qarasty №5 órt sóndirý bólimi jáne avarııalyq qutqarý jasaǵynyń jeke quramy jedel járdem kóligin qar qursaýynan shyǵaryp, aýrýhanaǵa jetkenshe súıemeldep bardy», - delingen Tótenshe jaǵdaılar departamentiniń baspasóz qyzmeti taratqan aqparatta.

Al, jas ana Janna Sarsenovanyń jubaıy borandy kúni kelinshegine kómektesken jedel járdem qyzmetkerleri men qutqarýshylarǵa, órt sóndirýshi jigitterge alǵysyn aıtty.