Túrkistan oblysynda tótenshe jaǵdaı saldarynan qaıtys bolǵandar sany ósti
Túrkistan oblysynda ótken jyly 677 tótenshe jaǵdaı oryn aldy. 761 adam qutqarylyp, 531 adam evakýatsııalandy. Óńirde 515 órt oqıǵasy tirkelip, saldarynan 6 adam qaza tapsa, 9 adam jaraqat aldy.
Oblys aýmaǵynda jalpy 20 adam sýǵa tunshyǵyp qaıtys boldy. Onyń 13-i kámeletke tolmaǵan balalar.
«112» shuǵyl qyzmetiniń telefondaryna azamattardan 191 309 jáne «101» nómirine 93 715 qońyraý kelip tústi. Óńirde ótken jyly 285 adam tótenshe jaǵdaı saldarynan zardap shegip, 34 adam qaıtys boldy. Sýǵa shomylý boıynsha departamenttiń jalpy 7422 qyzmetkeri 3041 reıd uıymdastyryp, 119 400 jadynama taratyldy. Nátıjesinde quzyrly organdar 250 jeke tulǵaǵa 2 529 700 teńge aıyppul salyndy. Órtten kelgen materıaldyq shyǵyn 1 mlrd 233 mln 490 myń teńgeni qurady. Al, quny 2 mlrd 626 mln 730 myń teńgeni quraıtyn materıaldyq qundylyqtar aman saqtalyp qaldy», - delingen Túrkistan oblysy tótenshe jaǵdaılar departamentiniń baspasóz qyzmeti usynǵan aqparatta.