Túrkistan oblysynda tazalyq saqtamaǵan 10 myńǵa jýyq adamǵa hattama toltyryldy

<p>TÚRKІSTAN. KAZINFORM &ndash; Óńirde jyl basynan beri qorshaǵan ortany lastaýshylardan 5 mln teńgege jýyq aıyppul óndirildi. Bul týraly Túrkistan oblystyq energetıka jáne turǵyn úı-kommýnaldyq sharýashylyq basqarmasy basshysynyń orynbasary Janádil Aıtbekov málimdedi.&nbsp;</p>

Túrkistandyqtar «Taza Qazaqstan» aktsııasyn qorytyndylady. 6-sáýir men 11-mamyr aralyǵynda ótkizilgen aktsııa aıasynda óńirdegi tarıhı oryndar men ózen-kólder jáne kósheler qoqystan tazartylyp, jasyl jelek kóshetteri otyrǵyzyldy.

Máselen, «Taza ólke – Túrkistan» atty naýqanda 267 aýqymdy is-shara ótkizilip, 1 521 kóshe boılary men 33 myńnan astam aıaqjoldar tazalanyp, 850 tonna qoqys shyǵaryldy. Al, «Kıeli meken» naýqany tarıhı-mádenı eskertkishterdi abattandyrý jumystaryna arnaldy. «Jasyl aımaq» baǵytynda kóshet otyrǵyzý men aýlalardy abattandyrý, kógaldandyrý jumystaryna basymdyq berilse, «Ónegeli urpaq» kezeńinde ardagerler men qarttar úıleriniń aýlasyn tazalaý, abattandyrý, jeke úıleriniń qorshaýlaryn boıaý jumystary júrgizildi. «Móldir bulaq» naýqany taý bókteri men ózen-kólderdiń jaǵalaýlaryn jáne sý aıdyndaryn tazartýǵa arnaldy.

«Jalpy bes aptada abattandyrý, kógaldandyrý jáne tazalyq jumystary kúndelikti júrgizilip otyrdy. Budan bólek, naýqan aıasynda 1 408 aýqymdy is-shara ótkizildi. Sondaı-aq aktsııaǵa ár apta saıyn 15-20 myńǵa jýyq adam men 500-den astam tehnıka jumyldyryldy. Nátıjesinde, 150 myńǵa jýyq aǵash otyrǵyzylyp, 40 000 sharshy metrge jýyq aıaq joldar tazalandy. 300-den astam saıabaq pen alleıalar retke keltirildi. 2 000-ǵa jýyq áleýmettik nysandardyń aınalasy men 60 myń sharshy metr sý, ózen boılary tazalandy. Endi qorshaǵan ortany lastaǵandarǵa 37 000 teńge kóleminde aıyppul salynady. Bul baǵytta arnaıy mobıldi toptar qurylyp, reıd jumystaryn júrgizetin bolady», - dedi Janádil Aıtbekov.