ІІM baspasóz qyzmetiniń málimetinshe, jedel-izdestirý is-sharalaryn ótkizgen polıtseıler Ordabasy aýdany aýmaǵyndaǵy Shymkent – Túrkistan tas jolynda megapolıstiń 32 jastaǵy turǵynynyń basqarýyndaǵy Nissan Primera avtokólikti toqtatqan. Jedel ýákilder tekserý kezinde júrgizýshiniń kóliginiń artqy oryndyǵynyń astynan esirtkige uqsas zatty tapty.
Zattaı dáleldemeler saraptamaǵa jiberildi. Qorytyndyǵa sáıkes esirtki zatynyń jalpy salmaǵy 1,5 keliden asatyn marıhýana bolyp shyqty.
Qazirgi ýaqytta esirtki quraldaryn saqtaý boıynsha sotqa deıingi tergep-tekserý jumystary júrgizilip jatyr. Kúdikti qamaýǵa alyndy. Bolǵan oqıǵanyń tolyq mán-jaıy anyqtalady.