Túrkistan oblysynda iske qosylatyn kásiporyn 70 adamdy jumyspen qamtıdy

<p>TÚRKІSTAN. KAZINFORM &ndash; Óńirde keptirilgen jemisterdi jańa tehnologııamen shyǵaratyn kásiporyn ashylady. Jańa jobaǵa aýǵanstandyq ınvestorlar esebinen 1 mıllıon AQSh dollar kóleminde ınvestıtsııa salynady.</p>

«Turkistan Invest» JShS basqarma tóraǵasy Berik Kenjebaev sheteldik ınvestorlarmen kezdesip, kelissóz júrgizdi. Nátıjesinde «Túrkistan» ÁKK» AQ jáne «TURKISTAN INVEST» ITEDAA» JShS-men «Talıfa» JShS arasynda yntymaqtastyq týraly memorandýmǵa qol qoıyldy. 

Kásipkerler daıyn óndiris alańyn jáne ekobazar aýmaǵyndaǵy saqtaý qoımalaryn aralap kórdi. Investıtsııalyq jobanyń basty maqsaty – suranysy joǵary keptirilgen daıyn ónimderdi oblys aýmaǵynan shyǵaryp, jergilikti turǵyndardy jemis-jıdektermen qamtamasyz etý. Keptirilgen jemisterdi «Made in Kazakhstan» markasymen shetelderge eksportqa shyǵarý. 

Keptirilgen jemisterdiń keń assortımentin daıyndaý maqsatynda jergilikti kooperatıvter men jeke sharýashylyqtarǵa ınnovatsııalyq tehnologııany engizý men taratý josparlanýda. Sondaı-aq aýqymdy joba halyqty qosymsha jumyspen qamtamasyz etýge de yqpal etedi. Joba tolyq júzege asqan jaǵdaıda jergilikti 70 adam jumyspen qamtylady.

Aıta keteıik, buǵan deıin Túrkistan oblysynda qýaty 1000 mvt-qa jetetin bý-gaz qondyrǵysynyń qurylysy júrip jatqanyn jazǵan bolatynbyz.

Jańa jobanyń qurylysy 2024 jyly bastalyp, 2026 jyly aıaqtalady dep josparlanǵan. Qurylys jumystary júrgizý barysynda 2 myńnan astam ýaqytsha, joba tolyq iske qosylǵanda 200-den astam adam turaqty jumyspen qamtylady.