Qasynda bir otar qoıy bar 58 jastaǵy er adam jol boıyndaǵy qorany panalaǵan, dep habarlaıdy Kazinform.
Otyrar aýdanyna qarasty Sarykól aýylynda bir otar qoıy bar shopan joǵalyp ketken bolatyn.
Qatty jel, qarly boran jáne aıazǵa qaramastan izdestirý jumystary túnimen júrgizildi.
Nátıjesinde tańǵy saǵat bester shamasynda qutqarýshylar 58 jastaǵy er adamdy tapty.
«Іzdestirý kezinde shopan Sarykól aýylynan 20 shaqyrym jerden tabyldy. Er adam jol boıyndaǵy qorany panalaǵan. Jaýrap qalǵan. Qazir qaýipsiz jerge jetkizildi. Qoılary da túgel» delingen Túrkistan oblysy TJD baspasóz qyzmeti taratqan aqparatta.
Qaırat Zaınıshev
Shymkenttegi M.Saparbaev atyndaǵy OQGI túlegi. Eńbek jolyn «Aqıqat-Istına» gazetinde tilshi bolyp bastady. Keıinnen «Shymkent kelbeti», «Ońtústik Qazaqstan» gazeti men «Ernur.kz» saıtynda tilshi, «Kentaý shuǵylasy» gazetiniń bas redaktory qyzmetterin atqardy. Respýblıkalyq «Ekspress K» saıtynyń Túrkistan oblysyndaǵy tilshisi boldy. 2021 jyldan bastap «Kazinform» agenttiginiń Túrkistan oblysyndaǵy tilshisi qyzmetin atqarýda.