Túrkistan oblysynda sharýa qojalyǵy Ózbekstan azamatyn 5 jyl quldyqta ustaǵan

<p><span style="font-family: sans-serif; font-size: 18px;">Túrkistan oblysynda Ózbekstan azamatyn 5 jyldan asa ýaqyt quldyqta ustaǵan qojalyq basshylary anyqtaldy. Muny Іshki ister mınıstrliginde ótken brıfıngide vedomstvonyń ókili Shuǵyla Turlybek aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span><br style="padding: 0px; margin: 0px; font-size: 18px; font-family: sans-serif;" /><span style="font-family: sans-serif;"><span style="font-size: 18px;">&nbsp;</span></span></p>

53 jastaǵy jábirlenýshini zańsyz eńbekke májbúrlegen eki azamatty uıymdasqan qylmysqa qarsy kúres basqarmasynyń qyzmetkerleri quryqtaǵan.

«Er adamnyń tólqujatyn alyp, 2017 jyldan beri mal baǵýǵa májbúrlegen. Jábirlenýshi mal qorada turǵan. Jumys istemeımin dep qarsylyq kórsetkende oǵan fızıkalyq jáne psıhologııalyq qysym jasalǵan», - deıdi ІІM ókili Shuǵyla Turlybek.

Atalǵan oqıǵa boıynsha sotqa deıingi tergeý júrip jatyr. Jábirlenýshi ońaltýdan ótý jáne psıhologııalyq kómek alý úshin daǵdarys ortalyǵyna ornalastyryldy.

Sonymen birge Shuǵyla Turlybek eldegi krımınogendik ahýalǵa toqtaldy. Onyń aıtýynsha, elimizde bir apta ishinde 2 932 qylmys jasalyp, onyń 1 857-i táýlik ishinde ashylǵan.

Polıtsııa qyzmetkerleri 5 kisi óltirý, 11 densaýlyqqa qasaqana aýyr zııan keltirý, 24 tonaý jáne 373 urlaý qylmystaryn izin sýytpaı ashty.