Túrkistan oblysynda Referendým kúni qoǵamdyq kólikpen júrý tegin bolady

<p>TÚRKІSTAN. KAZINFORM- 6 qazan kúni Túrkistan oblysynda qoǵamdyq kólikte jol júrý barlyq azamattar úshin tegin bolady. Sondaı-aq, 167 aýyldyq eldi mekende turǵyndardy tekserý úshin jyljymaly medıtsınalyq pýnktter jumys isteıdi.</p>

Daýys berý kúni 694 ýchaskedegi alǵashqy kelýshilerge estelik syılyqtar tabys etiledi. Keıbir aýmaqtarda júldeli utys oıyndary, kontserttik baǵdarlamalar, selfı baıqaýlary, aýylsharýashylyq jármeńkeleri, fleshmobtar ótedi. Sonymen qatar, qarııalardyń bata berýi jáne jas jubaılardyń qatysýy josparlanǵan.

«Daýys berý azamattardyń turǵylyqty jeri boıynsha uıymdastyrylǵan referendým ýchaskelerinde ótedi. Referendým kúni ýchaskeler 07:00-den 20:00-ge deıin ashyq bolady. Azamattar jeke kýáligin nemese tólqujatyn kórsetý arqyly daýys bere alady. Referendýmǵa qatysý úshin árbir tańdaýshy óz aımaǵyndaǵy ýchaskede tirkelýi qajet. Eger tańdaýshynyń turǵylyqty jeri ózgertilgen bolsa, jańa tirkeý orny boıynsha tizimge engizý úshin derekterdi jańartý kerek»-deıdi Túrkistan oblystyq aýmaqtyq referendým komıssııasynyń tóraǵasy Ańsar Ýserbaev. 

Esterińizge sala keteıik, 6 qazanda elimizdegi alǵashqy AES salý máselesi boıynsha respýblıkalyq referendým ótedi.