Túrkistan oblysynda QR-kod arqyly veterınar mamandardyń jumysyn baǵalaýǵa bolady
Otyrar aýdanynda «Veterınarııa salasyn jetildirý – azyq-túlik qaýipsizdiginiń kepili» atty semınar-keńes ótti. Onda janýarlardaǵy aýrý túrleriniń aldyn-alý men tıimdi kúresýdiń joldary talqylandy. Sonymen qatar veterınar mamandardyń jańa formasy tanystyryldy.
Ondaǵy basty erekshelik - endi azamattar veterınardyń kıiminiń keýde tusyndaǵy QR kod arqyly mamannyń jumysyna baǵa bere alady.
Sondaı-aq, semınarda veterınarııa salasyn reformalaý, ortalyq pen óńirlerdiń naqty mindetterin aıqyndaý syndy mańyzdy taqyryptar talqylandy.
«Veterınarııa salasyn jetildirý maqsatynda respýblıkamyzda alǵashqy ret pılottyq joba retinde Túrkistan oblysynda ortalyqtandyrylǵan «Veterınarııalyq qyzmet» mekemesin qurý boıynsha oblys ákiminiń qaýlysy qabyldandy. Bul aýdan-qalalardaǵy 17 «Veterınarııalyq qyzmet» ortalyqtaryn ońtaıly basqarý men baqylaý jumystaryn jetildirýge múmkindik beredi» - dedi oblys ákiminiń orynbasary Ermek Kenjehanuly.