Túrkistan oblysynda para bergen 30 adamǵa qatysty sotqa deıingi tergep-tekserý júrip jatyr

<p>Túrkistan oblysynda para bergen 30 adamǵa qatysty sotqa deıingi tergep-tekserý júrip jatyr. Bul týraly Qazaqstan Respýblıkasy Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń basshysy Murat Tóleýbaev málimdedi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Túrkistan oblysynda para berýshiler qatary jyl saıyn artyp keledi. Máselen, ótken jyly 24 adamnyń para berý faktisi tirkelgen bolsa, bıyl bul kórsetkish 30-ǵa kóbeıgen.

Sondaı-aq, sońǵy 4 jylda jemqorlyq quqyq buzýshylyqtarynyń jolyn kesýge járdemdesken 49 tulǵa kótermelenip, olarǵa 7,2 mln teńge kóleminde syıaqy tólengen.

«Belsendi azamattardy agenttik qolǵa alyp otyrǵan «Jemqorlyqqa qarsy volonterlik» jobasy sheńberinde erikti bolýǵa shaqyramyz. Joba aıasynda óńirdegi ózekti máselelerdi usynyp, bıýdjet qarajatynyń jumsalý tıimdiligin qadaǵalaýǵa nemese aımaqtaǵy problemalyq máselelerdi baqylaýǵa bolady. Bizdiń óńirden búgingi kúni 88 erikti osy joba boıynsha jumys istep jatyr» - dedi, Murat Tóleýbaev