Túrkistan oblysynda orman órtin erte anyqtaý júıesi iske qosylady

<p>Óńirdegi ormandar ǵaryshtyq beınebaqylaý júıesimen baqylanady, dep habarlaıdy <a href="Kazinform." target="_blank" rel="noopener">Kazinform.&nbsp;</a></p>

Tsıfrlandyrý júıeleri alǵashqyda «Syrdarııa - Túrkistan» memlekettik óńirlik tabıǵı parki kommýnaldyq memlekettik mekemesiniń bazasynda ornatylady. 

Júıe birtekti munaralardan, beınebaqylaý kameralarynan jáne ortalyqtandyrylǵan baılanys pen basqarý kompıýterlerinen turady. Bir munara ózi ornalasqan aýmaqtan 20 shaqyrym radıýstaǵy órt oshaqtaryn anyqtaı alady.

Túrkistan oblysy ákimdiginde memlekettik orman qory aýmaqtaryndaǵy órt oshaqtaryn erte anyqtaýdyń tsıfrlyq júıesin engizý, orman sharýashylyqtarynda órtti beınebaqylaý men monıtorıngteý jáne zamanaýı quraldarmen jaraqtandyrý múmkindikterin qarastyrý boıynsha májilis ótti. Onda dalalyq orman órtteriniń oshaqtaryn anyqtaýdaǵy ǵaryshtyq beınebaqylaý júıesimen jabdyqtalǵan munaralardyń tıimdiligi jáne ony oblystyq orman sharýashylyǵy mekemeleriniń negizinde pılottyq rejımde tekserýden ótkizý máseleleri talqylandy.