Túrkistan oblysynda «Ónegeli urpaq» aptalyǵynda ardagerlerdiń úı aýlasynda senbilik ótip jatyr
20:20, 04 Mamyr 2024
<p>TÚRKІSTAN. KAZINFORM – Respýblıka boıynsha ótkizilip jatqan «Taza Qazaqstan» ekologııalyq aktsııasynyń tórtinshi «Ónegeli urpaq» aptalyǵynda Túrkistan oblysynyń barlyq aýdan-qalasynda senbilikter ótip jatyr.</p>
Іs-sharada jastar men erikti azamattar ardagerler men jalǵyzbasty qarııalardyń úı aýlalarynda tazalyq ári abattandyrý jumystaryn atqaryp jatyr. Atap aıtqanda, shóp orý, jer aýdarý, aǵash butalaý, úıdiń qasbeti men qorshaýlardy syrlaý, qoqystan tazartý jumystary.
Máselen, búgin Qazyǵurt aýdany Qaqpaq aýyldyq okrýginiń erikti jastary tyl ardageri Bısebaı Aǵabekovtiń úıine arnaıy bardy. Onda belsendi jastar úı aýlasyndaǵy aryq-atyzdardy tazalap, aǵashtardyń túbin qopsytty. Sondaı-aq, aýla aýmaǵyn kúl-qoqystan tazartty. Ardager aqsaqal jastarǵa rızashylyǵyn bildirip, aq batasyn berdi.
Eske sala ketsek, elimiz boıynsha ekoaktsııa aıasynda 27 sáýirden 4 mamyrǵa deıin «Ónegeli urpaq», al 4-11 mamyr aralyǵy «Móldir bulaq» aptalyǵy ótedi.