Túrkistan oblysynda óndiristik jazataıym oqıǵalardan 3 adam qaıtys boldy

<p>Jyl basynan beri Túrkistan oblysynda 36 óndiristik jazataıym oqıǵa oryn alyp, 3 adam qaıtys boldy. Bul týraly Túrkistan oblysynyń baqylaý jónindegi basqarmasynyń basshysy Aıdos Ismaılov málimdedi, dep habarlaıdy <a href="Kazinform" target="_blank" rel="noopener">Kazinform</a>.</p>

Túrkistan oblysyndaǵy eńbek ınspektorlary 829,7 mln. teńge jalaqy qaryzyn tólemeı júrgen 14 kásiporyndy anyqtady. Júrgizilgen jumystardyń nátıjesinde onyń 819,1 mln. teńgesi óndirilip, 6280 jumyskerdiń eńbek quqyqtary qorǵaldy. Zańǵa sáıkes jalaqy qaryzyna jol bergen mekemelerge 2,38 mln. teńge kóleminde ákimshilik aıyppul salyndy.

Qazirgi tańda 4 mekemeniń 19 jumysker aldynda 18,6 mln. teńge jalaqy qaryzy bar. Olardy óndirý boıynsha qujattar sot oryndaýshylarǵa joldanǵan. Atap aıtar bolsaq, Otyrar aýdanyndaǵy «Shuǵyla Gold» JShS 11 jumyskerge 4,7 mln. teńge, Shardara aýdanyndaǵy «Araı Qamqor» múgedekter qoǵamy» qoǵamdyq birlestigi 6 jumyskerge 1,0 mln. teńge, Kentaý qalasyndaǵy «Qarataý» memlekettik tabıǵı qoryǵy» RMM 1 jumyskerge 2,4 mln teńge, «Qyran» fýtbol klýby» MKQK 1 jumyskerge 2,4 mln teńge qaryz.

«Jyl basynan beri 36 óndiristik jazataıym oqıǵa oryn alyp, saldarynan 38 adam zardap shekti. Sondaı-aq, 3 adam qaıtys boldy. Oblys kóleminde bıyl eńbek janjaly oryn alǵan joq. Al, óndiristegi jalaqy qaryzdy óndirý boıynsha jumystary jalǵasýda», - dedi Aıdos Ismaılov.