Túrkistan oblysynda oqýshylardan oıýly jaketterin sheshýdi talap etken muǵalimniń isi polıtsııaǵa ótti

<p>TÚRKІSTAN. KAZINFORM &ndash; Maqtaaral aýdanynda bolǵan jaǵdaıdy QR Oqý-aǵartý mınıstrligi men jergilikti atqarýshy organdar da óz baqylaýyna aldy.</p>

Túrkistan oblysy polıtsııa departamentiniń baspasóz qyzmeti usynǵan aqparatqa súıensek, qazirgi tańda atalǵan fakt boıynsha Maqtaaral aýdanynyń polıtsııa bóliminde is tirkelgen. Tártip saqshylary oqıǵanyń barlyq mán-jaıyn anyqtap jatyr. Nátıjesi boıynsha zańdy sheshim qabyldanatyn bolady.

Aıta keteıik, keshe Túrkistan oblysynda muǵalim oqýshylardan oıýly jaketterin sheshýdi talap etkenin jazǵan bolatynbyz.

Atalǵan jaǵdaı 14-naýryz kúni Maqtaaral aýdanynda bolǵan. Túrkistan oblystyq bilim basqarmasy usynǵan aqparatqa súıensek, búginde bul máseleni QR Oqý-aǵartý mınıstrligi men jergilikti atqarýshy organdar óz baqylaýyna alǵan.