Túrkistan oblysynda oqýshylar ýlanýdan saqtandyratyn qurylǵy oılap tapty
Lengir qalasyndaǵy №1 mektep-gımnazııanyń 7-synyp oqýshylary Ersat Ánýar men Álǵanı Seraly gaz ben tútinniń ýlanýynan saqtandyratyn qurylǵy oılap tapty. Kishkene ǵana qorapsha úıdiń ishin ýly gaz nemese tútin bassa arnaıy dybys shyǵyrady. Tipti, telefonǵa SMS-habarlama joldaıdy. Ásirese, bul balalaryn úıde jalǵyz qaldyryp, jumysqa ketetin ata-analar úshin taptyrmas dúnıe bolmaq. Sebebi, qaýipsizdik habarlamasy arqyly gaz ben tútinnen keler qaıǵyly jaǵdaıdyń aldyn alýǵa bolady. Jas ónertapqyshtardyń tyń jobany qolǵa alýyna ınformatıka pániniń muǵalimi Saltanat Uıatbaeva kómektesip, jetekshilik jasaǵan. Qazir qos jasóspirimniń «Gaz ben tútinnen ýlanýdan saqtandyratyn qurylǵy» jobasy oqýshylardyń zertteý jobalary men shyǵarmashylyq jumystaryna arnalǵan respýblıkalyq «Zerde» konkýrsynyń oblystyq kezeńinde robototehnıka sektsııasy boıynsha І oryndy jeńip aldy. Endi aldaǵy ýaqytta respýblıkalyq kezeńde sarapqa salynady.
«Qazirgi kez – tsıfrly tehnologııa zamany. Atalǵan tehnologııa múmkindikterin adam ıgiligine paıdalana otyryp, gaz ben tútinnen ýlaný oqıǵalaryn boldyrmaý kerek. Osy maqsatta biz gazdan, tútinnen ýlanýdan saqtandyratyn qurylǵy jasadyq. Qaýiptiń aldyn alatyn jańa qurylǵyǵa tótenshe jaǵdaı mamandary da qyzyǵýshylyq tanytty. Olar bul qurylǵyny gazdyń syrtqa ketýin anyqtaýda, órt sóndirý júıelerinde, ıaǵnı adamdar qaýipsizdigin qamtamasyz etýde paıdalanǵan tıimdi, degen pikir bildirdi», - deıdi Ersat pen Álǵanı.