Túrkistan oblysynda memlekettik baǵdarlamaǵa qatyspaǵan 122 adamǵa zańsyz jalaqy aýdarylǵan

<p>TÚRKІSTAN. KAZINFORM &mdash; Túrkistan oblysynyń prokýratýrasy jumyspen qamtýdy úılestirý jáne áleýmettik baǵdarlamalar basqarmasyna qarasty &laquo;Eńbek mobıldiligi ortalyǵy&raquo; qyzmetinde júıeli buzýshylyqtardy anyqtady.</p>

Tekserý nátıjesinde «qoǵamdyq jumys» memlekettik baǵdarlamasyna is júzinde qatyspaǵan 122 adamǵa zańsyz jalaqy  aýdarylǵany belgili boldy. ıAǵnı, 31 mln teńgeden astam bıýdjet qarajaty jymqyrylǵan. 

Sondaı-aq, «Jastar praktıkasy» jáne «Aqyly qoǵamdyq jumys» baǵdarlamalarynyń 4 myńnan astam qatysýshysyna 2023 jylǵa mindetti medıtsınalyq saqtandyrý boıynsha 11,6 mln teńge kóleminde tólem júrgizilmegen. Ortalyq qyzmetinde 4 mlrd teńgege qarjylyq buzýshylyqtar jáne sharttarda negizsiz talaptar qoıý arqyly 760 kásipkerdiń quqyqtaryn shekteý faktileri oryn alǵan.

Budan bólek, «qysqa merzimdi oqytý» baǵdarlamasy sheńberinde oqýdan ótken 50 adam is júzinde úzdiksiz jumyspen qamtamasyz etilmegen.

«Zań buzýshylyqtardy boldyrmaý jáne azamattar men kásipkerlerdiń quqyqtaryn qorǵaý maqsatynda oblys prokýratýrasy oblys ákimdigine jáne ýákiletti memlekettik organdarǵa 4 prokýrorlyq qadaǵalaý aktisin engizip, jekelegen faktiler boıynsha qujattar protsestik sheshimder qabyldaý úshin ekonomıkalyq tergep-tekserý departamentine joldandy», - delingen Túrkistan oblysy prokýratýrasy taratqan aqparatta.