Túrkistan oblysynda medıtsına uıymdaryna 75 jedel járdem kóligi berildi
Saltanatty is-sharaǵa Túrkistan oblysynyń ákimi Darhan Satybaldy qatysyp, dárigerlerdi, oblys turǵyndaryn qýanyshty sátpen quttyqtady.
– Aldymen barshańyzdy kele jatqan Jańa jyl merekesimen quttyqtaımyn. Búgin qasıetti Túrkistan tórinde qýanyshty sátte jolyǵyp turmyz. Elimizdiń basty baılyǵy – adam jáne onyń densaýlyǵy. Memleket basshysy Qasym-Jomart Kemeluly Qazaqstan halqyna Joldaýynda densaýlyq saqtaý salasyna erekshe toqtalyp, medıtsınalyq nysanardy arnaıy tehnıkamen qamtýdy tapsyrǵan bolatyn. Osy baǵytta Túrkistan oblysynda densaýlyq saqtaý ınfraqurylymyn damytý úshin 24 densaýlyq saqtaý nysanynyń qurylysy júrgizilip jatyr. Onyń ishinde bıyl 18 nysan el ıgiligne beriletin bolady. Basym bóligi tapsyrylyp úlgerdi. Budan bólek, 2024 jylǵa «Aýylda densaýlyq saqtaýdy jańǵyrtý» Ulttyq pılottyq jobasy aıasynda oblysymyzda 49 densaýlyq saqtaý nysanyn salý josparlandy. Halyq densaýlyǵy úshin, onyń ishinde birinshi kezekte ana men bala, jansaqtaý, ota jasaý qyzmetterin kúsheıtý maqsatynda oblysymyzdaǵy medıtsınalyq uıymdardyń materıaldyq-tehnıkalyq bazasy sońǵy zamanaýı medıtsınalyq tehnıkalarmen jabdyqtalýda. Búgin oblys aýmaǵyn tolyq jedel járdem qyzmetimen qamtamasyz etý maqsatynda taǵy 75 kólikti sizderge tabystaǵaly turmyz. Paıdalanýǵa berilip otyrǵan sanıtarlyq avtokólikter el ıgiligine qyzmet etip, aýdan-qala turǵyndaryna sapaly medıtsınalyq qyzmetter kórsete bersin. Otbasylaryńyzǵa amandyq, denderińizge saýlyq, isterińizge tabys tileımin! – dedi Darhan Satybaldy.
Jańadan tapsyrylǵan «Hyundai i30» markaly 75 sanıtarlyq avtokólikteri zamanaýı medıtsınalyq qural-jabdyqtarmen qamtylǵan.
Oǵan 1,3 mlrd teńge bólingen. Avtokólikter 17 aýdan, qaladaǵy medıtsınalyq uıymdar men oblystyq jedel járdem stantsııasyna jáne oblystyq aýrýhanalarǵa berildi.
Óńirde medıtsına salasyn damytý jumystary jalǵasady.
Aıta keteıik, jedel medıtsınalyq járdem stantsııasy dıspetcheri qabyldaǵan shaqyrtýlar 4 (tórt) jedeldilik sanatyna bólinedi.
Atap aıtsaq, ómirine tikeleı qaýip tóndiretin, jedel medıtsınalyq kómek kórsetýdi qajet etetin patsıenttiń jaı-kúıinde birinshi, ómirine medıtsınalyq kómek kórsetýsiz áleýetti qaýip tóndiretin patsıenttiń jaı-kúıinde ekinshi, densaýlyǵyna medıtsınalyq kómek kórsetýsiz áleýetti qaýip tóndiretin patsıenttiń jaı-kúıinde úshinshi, sondaı-aq jiti aýrýynan nemese sozylmaly aýrýynyń asqynýynan týyndaǵan, aǵzalar men júıelerdiń kenetten bolǵan jáne aıqyn kórinetin buzylýlarynsyz patsıenttiń ómiri men densaýlyǵyna tikeleı jáne áleýetti qaýip tóndirmeıtin patsıenttiń jaı-kúıinde tórtinshi jedeldilik sanatynda shaqyrylady.
1, 2, 3-jedeldilik sanattarynyń shaqyrtýlary kelip túsken kezde JMJS dıspetcheri avtomatty basqarý júıesi arqyly shaqyrtýlardy JMJS feldsherlik jáne mamandandyrylǵan (dárigerlik) brıgadalaryna beredi.
4-jedeldilik sanatynyń shaqyrtýlary kelip túsken kezde JMKS dıspetcheri avtomatty basqarý júıesi arqyly shaqyrtýlardy medıtsınalyq sanıtarııalyq alǵashqy kómek kórsetetin densaýlyq saqtaý uıymy janyndaǵy jedel medıtsınalyq kómek bólimshesiniń feldsherlik jáne mamandandyrylǵan (dárigerlik) brıgadalaryna beredi.
Shaqyrtýdy qabyldaǵan sátten bastap, patsıenttiń turǵan jerine deıin jetý 1-jedeldilik sanaty on mınýtqa deıingi, 2-jedeldilik sanaty on bes mınýtqa deıingi, 3-jedeldilik sanaty otyz mınýtqa deıingi, 4-jedeldilik sanaty alpys mınýtqa deıingi ýaqytty quraıdy.