Túrkistan oblysynda maqta alqabyna tamshylatyp sýǵarý tehnologııasy qoldanylmaq

<p>Óńirde maqtany jańa tehnologııamen ósirý isi qolǵa alynady, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Túrkistan oblysynyń ákimi Darhan Satybaldy qytaılyq «Peng Sheng (Group) Co., Ltd» kompanııasynyń ókilderin qabyldady. Kezdesýde maqta ósirý jáne tereń óńdeý, toqyma fabrıkasyn salý máseleleri talqylandy.

«Biz maqtany ósirý ǵana emes, ony tereń óńdeý baǵytyna basymdyq berip otyrmyz. Maqta tuqymy men sapasyn jaqsartý, jańa tehnologııalardy engizý, maqtany tereń óńdeý, toqyma fabrıkasyn salý jumystaryn atqarǵanda ǵana maqta sharýashylyǵyndaǵy máseleler sheshiledi. Sondyqtan biz sizdermen áriptestik ornatýǵa daıynbyz. Jol kartasyn ázirlep, eki taraptyń mindettemelerin engizeıik. Infraqurylym jáne basqa túıtkilder boıynsha bizden qoldaý bolady», – dedi Darhan Satybaldy.

«Peng Sheng (Group) Co., Ltd» kompanııasynyń ókili Song Shıtszıe 10 myń gektar maqta alqabyna tamshylatyp sýǵarý tehnologııasyn engizýge daıyn ekenin jetkizdi. Sonymen birge maqtany tereń óńdeý, maqta maıyn shyǵarý qurylǵylaryn ákelý boıynsha da josparymen bólisti. Investor maqtanyń eń sapaly tuqymdaryn egip, maqta zaýytyn salýdy da josparlap otyr.

Aıta keteıik, 2023 jyly QHR-ǵa oblys delegatsııasynyń issapary barysynda «Peng Sheng(Group) Co., Ltd» kompanııasymen ınvestıtsııalyq jobalardy iske asyrý týraly kelisimge qol jetkizilgen bolatyn.