Túrkistan oblysynda lagerge barǵan balalar sanıtarlyq normaǵa saı kelmeıtin bólmelerde turǵan
Vıdeo avtorlarynyń aıtýynsha lagerlerdegi sanıtardyq jaǵdaı syn kótermeıdi. Balalarǵa arnaıy kereýetter berilmegen. Sondyqtan ishi tar, arnaı jıhazben jabdyqtalmaǵan jerde jatýǵa májbúr bolǵan. Terezeleri ornatylmaǵan, jýynatyn jer qarastyrylmaǵan bólmelerde turyp kelgen. Balalardyń zattaryn qoıýǵa arnaıy shkaftarda qarastyrylmaǵan. Ájethananyń da jaǵdaıy syn kótermeıdi.
Atalǵan aqparatqa qatysty resmı jaýap bergen Túrkistan oblysy bilim basqarmasy balalardyń demalysyn durys uıymdastyrmaǵan aýdandyq bilim bóliminiń basshysy men jaýaptylarǵa tıisti shara kóriletindigin habarlady.
«Atalǵan máseleni Túrkistan oblysy bilim basqarmasy nazarǵa aldy. Arnaıy komıssııa toby qurylyp, zerdeleý jumystary júrgizildi. Zerdeleý jumystary nátıjesinde kemshilikter anyqtaldy. Bul boıynsha quzyrly organdarǵa resmı hat joldandy. Balalardyń jol qaýipsizdigin baqylaý maqsatynda arnaıy jol patrýldik polıtsııa qyzmetkerleri jumyldyrylyp, jetekshi mamandar alyp bardy. Qazirgi tańda «Báısheshek» lagerinde 382 saryaǵashtyq oqýshy demalýda. Áleýmettik jelide taraǵan aqparattarǵa jáne vıdeoaqparatta kórsetilgen jatyn bólmedegi oryndar tárbıeshilerge tıesili ekendigi anyqtaldy. Osy negizde basqarma tarapynan balalardyń demalysyn durys uıymdastyrmaǵan aýdandyq bilim bólim basshysy men jaýaptylarǵa tıisti shara kóriletindigin habarlaımyz» - delingen basqarma tarapynan berilgen aqparatta.